Tak ciapier vyhladaje byłaja Vaładarka, pastaŭlenaja na rekanstrukcyju FOTAFAKT
Śviežaje fota 200‑hadovaha Piščałaŭskaha zamka, u jakim da niadaŭniaha času raźmiaščałasia SIZA № 1, źjaviłasia ŭ fejsbuk-supołcy «Minsk — moj horod».
Raniej paviedamlałasia, što, pavodle raspracavanaj kancepcyi, tut płanujuć zachavać 5 pabudoŭ, jakija adnosiacca da historyka-kulturnych kaštoŭnaściej: sam zamak, adnapaviarchovy budynak za im i abjekty pieršaj linii z boku vulicy Vaładarskaha, jakija siońnia schavanyja za aharodžaj. Bolš poźnija prybudovy i płot buduć demantavanyja.
Jak vidać sa zdymka, prybudovy da zamka savieckaha času ŭžo źniesienyja, a na jaho samoha adkryŭsia dobry panaramny vid.
Paśla rekanstrukcyi ŭ budynkach byłoj turmy raźmieściacca abjekty hramadskaha charčavańnia i administracyjnyja pamiaškańni. Apieratarami vystupiać «Minatel», «Akva-Minsk», «Biełkaapsajuz», biznes-centr «Stalica», HC «Stalica», «Kamunarka».
Kamientary
I eto očień chorošo. Pusť eto staniet simvołom.