Viačorka: Cichanoŭskaja i jaje Ofis pakul nie pierajechali ź Vilni
Viačorka zaklikaŭ dačakacca aficyjnych paviedamleńniaŭ pa hetaj temie.
Fota: OSC
Śviatłana Cichanoŭskaja i jaje ofis pakul znachodziacca ŭ Vilni, paviedamiŭ žurnalistam hałoŭny daradca demakratyčnaha lidara Franak Viačorka, kamientujučy «Pozirku» materyjał u polskaj haziecie Rzeczpospolita, dzie havaryłasia pra pierajezd Ofisa ŭ Varšavu 30 studzienia.
Viačorka zaklikaŭ dačakacca aficyjnych paviedamleńniaŭ pa hetaj temie. Pavodle jaho słoŭ, zaraz viadziecca padrychtoŭčaja praca.
«Pačynajučy ź piatnicy (30 studzienia), hołas Śviatłany Cichanoŭskaj u abaronu svabodnaj Biełarusi budzie čutny z Varšavy», — paviedamiła Rzeczpospolita sa spasyłkaj na infarmacyju, jakuju dała demlidarka padčas znachodžańnia ŭ polskaj stalicy 24 studzienia.