«Havorka idzie nie tolki pra maju asabistuju biaśpieku, ale i pra supracoŭnikaŭ našaha ofisa».
Ofis Śviatłany Cichanoŭskaj z 30 studzienia pačnie pracavać z Varšavy. Pra heta piša vydańnie Rzeczpospolita.
Cichanoŭskaja patłumačyła pierajezd źnižeńniem uzroŭniu achovy, jaki joj zabiaśpiečvaŭsia ŭ Litvie.
«Ja dumała, što viartacca na radzimu mnie daviadziecca ź Vilni, jakaja znachodzicca ŭsiaho za 30 km ad miažy ź Biełaruśsiu. Ale ŭzrovień našaj achovy ŭ Litvie źmianiŭsia. Havorka idzie nie tolki pra maju asabistuju biaśpieku, ale i pra supracoŭnikaŭ našaha ofisa. Heta prymusiła mianie šukać inšyja rašeńni i rearhanizoŭvać našu dziejnaść», — pryvodzić jaje słovy vydańnie.
Śviatłana Cichanoŭskaja nie stała ŭdakładniać pryčyny takoha rašeńnia litoŭskaha ŭrada.
«Ja vielmi ŭdziačnaja Litvie, jakaja pieršaj praciahnuła mnie ruku i na praciahu mnohich hadoŭ padtrymlivała biełaruskija demakratyčnyja siły», — skazała jana.
Pra budučy pierajezd Cichanoŭskaj i častki Ofisa ŭ Varšavu «Naša Niva» paviedamlała jašče ŭ śniežni.
Kamientary