U servisach Biełarusbanka try dni buduć zboi
Biełarusbank papiaredziŭ klijentaŭ pra mahčymyja zboi ŭ pracy servisaŭ u najbližejšyja dni z-za techničnych rabot.
Pavodle infarmacyi banka, u noč z 5 na 6 lutaha — z paŭnočy da 6‑j ranicy — mahčymyja časovyja pierapynki ŭ absłuhoŭvańni.
Jašče bolš istotnyja abmiežavańni zapłanavanyja z 23:00 7 lutaha da 7:00 8 lutaha. U hety pieryjad u adździaleńniach, sistemie «Raźlik» i kanałach dystancyjnaha bankinhu nie buduć pravodzicca apieracyi z depazitami i biahučymi rachunkami fizičnych asob, nie budzie dastupny ŭlik kredytnaj zapazyčanaści, a taksama afarmleńnie bankaŭskich płaciežnych kartak.
Akramia taho, 8 lutaha z 1‑j da 2‑j hadziny nočy ŭ adździaleńniach banka časova niemahčyma budzie ździajśniać apieracyi z najaŭnymi hrašyma.
Naprykancy śniežnia 2025 hoda Biełarusbank pierajšoŭ na novaje prahramnaje zabieśpiačeńnie, i tady techničnyja prablemy z absłuhoŭvańniem naziralisia kala tydnia.
Čytajcie taksama:
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku
Padoŭžyli termin dziejańnia kredytnaj prahramy «Na rodnyja tavary»
Prablema ź niekarektnymi bałansami na kartkach uźnikła ŭ šaści bankaŭ