Džej Dzi Vens prylacieŭ na Alimpijadu ŭ Miłan z fłotam z 14 samalotaŭ i kartežam z 100 aŭtamabilaŭ

Vice-prezident ZŠA Džej Dzi Vens užo druhi dzień znachodzicca ŭ Miłanie, dzie siońnia startujuć zimovyja Alimpijskija hulni.

Džej Dzi paśla pryziamleńnia ŭ Miłanie z žonkaj Ušaj, dačkoj Mirabiel i synam Viviekam. Fota: Kevin Lamarque — Pool/Getty Images

Vens prybyŭ u Italiju z delehacyjaj, dla jakoj zadziejničali adrazu 14 samalotaŭ i kala 100 aŭtamabilaŭ. Adzin samalot vioz pradukty, dva — braniavanyja mašyny, astatnija dastavili supracoŭnikaŭ, achovu i členaŭ aficyjnaha supravadžeńnia, piša Bild.

Štab Vensa i dziaržaŭnaha sakratara ZŠA Marka Rubia, jaki taksama prylacieŭ u Miłan, raźmiaściŭsia ŭ hateli Sheraton. Hatel całkam pierakryli, pobač pastavili čornuju achoŭnuju kanstrukcyju, u jakuju zajazdžaŭ kartež vice-prezidenta. Takija miery biaśpieki ŭžyvajucca dla asob z maksimalnym uzroŭniem pahrozy.

Na hetym fonie niečakanym vyhladaŭ vizit Vensa na chakiejny matč žanočaj zbornaj ZŠA suprać Čechii. Jon pryjšoŭ na hulniu razam ź siamjoj i Rubia, biez uzmocnienych dahladaŭ i ačyščeńnia trybun.

U delehacyju Vensa taksama ŭvajšli były kiraŭnik CRU Majk Pampea i niekalki alimpijskich čempijonaŭ minułych hadoŭ. Siońnia ŭviečary Vens prymie ŭdzieł u cyrymonii adkryćcia Alimpijady na stadyjonie «San-Sira».

Kamientary da artykuła