U Łatvii padčas vystupleńnia biełaruskich spartsmienaŭ na Alimpijadzie buduć uklučać rekłamu
Telekanały łatvijskaha miedyjachołdynhu TV3 Group nie buduć paviedamlać svaim hledačam pra ŭdzieł u Zimovych Alimpijskich hulniach spartsmienaŭ z Rasii i Biełarusi, jakija vystupajuć u niejtralnym statusie. Pra heta ahienctvu LETA paviedamiŭ dyrektar spartyŭnych prahram płatformy Go3 Toms Cyrcenis.
Toms Cyrcenis rastłumačyŭ, što heta śviadomaja redakcyjnaja pazicyja: ź pieršych dzion vajny miedyjachołdynh adkryta vystupaje suprać rasijskaj ahresii i ličyć niapravilnym akcentavać uvahu na vystupleńniach niejtralnych spartsmienaŭ z krain-ahresaraŭ. Pavodle jaho słoŭ, takaja pazicyja źjaŭlajecca sumlennaj u dačynieńni da aŭdytoryi.
Padčas niadaŭniaha čempijanatu Jeŭropy pa sannym sporcie kanał TV6 u momanty vystupleńnia rasijskich spartsmienaŭ pakazvaŭ rekłamu. Cyrcenis adznačyŭ, što pieršapačatkova navat razhladałasia mahčymaść nie tranślavać hetyja spabornictvy naohuł, adnak heta było b niespraviadliva ŭ dačynieńni da łatvijskich sanačnikaŭ, dla jakich hety siezon źjaŭlajecca alimpijskim i jakija vymušany vystupać razam sa spartsmienami z krainy-ahresara.
Anałahičnuju praktyku miedyjahrupa płanuje prytrymlivacca i padčas zimovych Alimpijskich hulniaŭ — va ŭsich navinnych błokach i ŭ roznych vidach sportu, nie tolki ŭ sannym.
U vieraśni minułaha hoda Vykanaŭčy kamitet Mižnarodnaha alimpijskaha kamiteta pryniaŭ rašeńnie dazvolić rasijskim i biełaruskim spartsmienam udzieł u zimovych Alimpijskich hulniach 2026 hoda ŭ italjanskich Miłanie i Karcina-d'Ampiecca pad niejtralnym ściaham.
Łatvijski alimpijski kamitet nie padtrymlivaje heta rašeńnie, ličačy ŭdzieł spartsmienaŭ, źviazanych z krainami-ahresarami, zaŭčasnym i nieadpaviednym duchu Alimpijskich hulniaŭ.
Ad Biełarusi ŭ hałoŭnym starcie čatyrochhodździa voźmuć udzieł pad niejtralnym ściaham siem spartsmienak: Hanna Huśkova, Hanna Dziaruha i Anastasija Andryjanava (usie — frystajł), Maryna Zujeva (kańkabiežny sport), Viktoryja Safonava (fihurnaje katańnie), Hanna Karalova (łyžnyja honki) i Maryja Škanava (harnałyžny sport).
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»36
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary