Biełaruskaja čyhunka viartaje polskija ciahniki na maršruty pamiž Minskam i Viciebskam
Biełaruskaja čyhunka viartaje sučasnyja dyziel-ciahniki biznes-kłasa sieryi DP-6 na maršruty pamiž Minskam i Viciebskam, zamianiŭšy imi staryja sastavy z łakamatyŭnaj ciahaj. Heta stała mahčymym paśla viartańnia hetych ciahnikoŭ z ramontu.
Zdymak ilustracyjny. Fota: Office Life
Źmieny pačnuć dziejničać z 16 lutaha dla ciahnikoŭ №704, №712/711 i №713/714. A ŭžo z 17 lutaha ŭsie hetyja rejsy buduć absłuhoŭvacca ruchomym sastavam sieryi DP-6.
Na Biełaruskaj čyhuncy papiaredzili, što na čas abnaŭleńnia mohuć być prablemy z najaŭnaściu biletaŭ na hetyja ciahniki, tamu pasažyram rajać sačyć za infarmacyjaj na aficyjnym sajcie i ŭ mabilnym dadatku.
Kvitki, nabytyja da 10 lutaha 2026 hoda na staryja sastavy, zastanucca sapraŭdnymi i buduć dziejničać dla prajezdu ŭ novych dyziel-pajazdach DP-6.
Pra časovuju zamienu sučasnych dyziel-ciahnikoŭ polskaj vytvorčaści na staryja sastavy z łakamatyvam stała viadoma ŭ pačatku lutaha. Paśla BČ paviedamiła, što pryčynaj hetaha stali mocnyja marazy, jakija tyja ciahniki kiepska pieranosili.
Čytajcie taksama:
BČ: Polskija ciahniki nie vytrymali vialikich marazoŭ. Ale mahčyma heta niapraŭda
Sučasnyja ciahniki ź Minska ŭ Viciebsk i Mahiloŭ mianiajuć na staryja
Dziaržaŭnyja ŚMI paviedamili pra adnaŭleńnie čyhunačnaha złučeńnia z Polščaj. Ci praŭda?