Vylety biełarusaŭ na Kubu prypynienyja na niavyznačany termin

Viarnucca možna niekalkimi rejsami.

Havana. Fota: Sir Francis Canker / Getty Images 

Vylety biełarusaŭ na Kubu prypynienyja na niavyznačany termin, paviedamili ŭ Pasolstvie Biełarusi na Kubie, piša BiełTA.

«Infarmujem biełaruskich turystaŭ, jakija płanujuć pajezdku na Kubu, što vylety na Kubu prypynienyja na niavyznačany termin», — paviedamlaje pasolstva.

Biełarusy, jakija znachodziacca na Kubie, mohuć spłanavać svajo viartańnie ŭ adpaviednaści z hrafikam, apublikavanym avijakampanijami.

Zhodna ź infarmacyjaj avijakampanii «Rasija», dla vyvazu pasažyraŭ (za vyklučeńniem hramadzian Kuby), jakija znachodziacca zaraz na Kubie, arhanizavany rejsy FV6928 Varadera — Maskva na 12, 14, 17, 19, 21 lutaha i FV6850 Havana — Maskva na 16 lutaha.

Pavodle infarmacyi avijakampanii Nordwind, dla vyvazu pasažyraŭ, jakija znachodziacca zaraz na Kubie, arhanizavany nastupnyja rejsy: Varadera — Maskva 12, 14, 18 lutaha i Matansas — Maskva 12 lutaha (paćvierdžanyja rejsy).

U vypadku ŭźniknieńnia pazaštatnaj situacyi varta źviazacca z avijakampanijaj abo pa telefonie konsulskaha adździeła pasolstva +53 52850307.

Paśla taho, jak Donald Tramp pryhraziŭ Kubie sankcyjami, kraina sutyknułasia ź ciažkaściami, źviazanymi z pastaŭkami nafty i palotami samalotaŭ. Tak, Mieksika prypyniła pastaŭki nafty. U kancy studzienia paviedamlałasia, što nafty na Kubie zastałosia na dva-try tydni.

Kamientary da artykuła