Maks Korž abjaviŭ pra kancert u Dziusieldorfie

Papularny biełaruski śpiavak Maks Korž vystaviŭ abviestku, što 26 červienia 2026 hoda maje adbycca jahony kancert u niamieckim Dziusieldorfie.

Kancert pavinien adbycca na stadyjonie «Mierkur Špil-Arena», standartnaja ŭmiaščalnaść jakoha — 54600 čałaviek. Kvitki pačnuć pradavać z aŭtorka, 17 lutaha. 

Pierad hetym, 23 maja, pavinien adbycca vialiki kancert Maksa Karža ŭ rumynskim Buchareście. Usie kvitki na jaho byli pradadzienyja za 10 dzion.

Letaś 9 žniŭnia Korž zładziŭ skandalny kancert u Varšavie. Praz pavodziny jahonych fanataŭ padčas jaho da Karža stali stavicca naściarožana. Nieŭzabavie ŭ jaho, naprykład, sarvaŭsia zahadzia ŭzhodnieny kancert u kazachstanskim Ałmaty. Korž sam paćvierdziŭ, što pryčynaj hetaha byli kiepskija pavodziny jahonych fanataŭ u Varšavie.

Kamientary da artykuła