U kastryčniku projduć dva bujnyja vajskovyja vučeńni

U kastryčniku 2026 hoda ŭ Biełarusi projduć dva bujnyja vajskovyja vučeńni pad ehidaj ADKB. Pra heta paviedamili ŭ Ministerstvie abarony.

Zdymak ilustracyjny. Fota: «Vajar»

Płanujecca praviadzieńnie kamandna-štabnych vučeńniaŭ «Nieparušnaje braterstva», u jakich tradycyjna ŭdzielničajuć miratvorčyja siły, a taksama śpiecyjalnych vučeńniaŭ «Barjer» z udziełam vojskaŭ radyjacyjnaj, chimičnaj i bijałahičnaj abarony. Dakładnyja daty pakul nie nazvanyja.

Usiaho ŭ 2026 hodzie ŭ ramkach ADKB zapłanavana kala 60 roznych mierapryjemstvaŭ, siarod jakich vosiem — heta kamandna-štabnyja i śpiecyjalnyja vučeńni.

U sakaviku adbudziecca stratehičnaja štabnaja treniroŭka abjadnanaha štaba i sakrataryjata arhanizacyi. U vieraśni ŭ Kazachstanie projduć vučeńni «Rubiež», a ŭ vieraśni—kastryčniku ŭ Rasii zapłanavanyja manieŭry «Uzajemadziejańnie», «Pošuk» i «Ešałon». U kastryčniku ŭ Tadžykistanie taksama adbuducca śpiecyjalnyja vučeńni «Kobalt» i «Skała».

U 2025 hodzie ŭ ramkach ADKB praviali 61 mierapryjemstva, uklučajučy sumiesnyja vučeńni i štabnyja treniroŭki.

U skład hetaj arhanizacyi ŭvachodziać Biełaruś, Rasija, Kazachstan, Kyrhyzstan, Tadžykistan i Armienija, choć apošniaja ŭ apošnija hady entuzijazmu nie prajaŭlaje i ŭvohule zajaŭlała pra namiery vyjści z ADKB.

Kamientary da artykuła