Pa rasparadžeńni Łukašenki raspačataja maštabnaja pravierka Uzbrojenych sił
Pieršaj praviarajecca vajskovaja častka techničnaha zabieśpiačeńnia. Heta adna z najbujniejšych vajskovych častak Uzbrojenych sił, dzie znachodziacca na zachoŭvańni roznyja ŭzory braniatankavaj zbroi i vajskovaj techniki, paviedamlaje Minabarony.
Jak zaznačyŭ dziaržsakratar Rady biaśpieki Alaksandr Valfovič, mierapryjemstvy pravierki nosiać raptoŭny charaktar.
Ź jahonych słoŭ, pravierka pravodzicca ŭ tym liku z ulikam dośviedu «śpiecyjalnaj vajennaj apieracyi» (tak prapahandysty nazyvajuć uvarvańnie va Ukrainu — NN) i jaho ŭkaranieńnia ŭ vojski. Siarod inšaha buduć praviaracca pytańni achovy vajskovych častak i supraćdziejańnia sučasnym srodkam paražeńnia, siarod inšaha, bieśpiłotnym latalnym aparatam.
«Płan pravierki zaćvierdžany Łukašenkam. Łukašenka skazaŭ, što asabista budzie ŭdzielničać u chodzie hetaj pravierki, ale jakija heta buduć častki i ŭ jaki čas, jon vyznačyć sam», — adznačyŭ Alaksandr Valfovič.
Kamientary