Padčas pravierki bajavoj hatoŭnaści armii Łukašenka abyšoŭsia biez Chrenina
Va Uzbrojenych siłach Biełarusi praciahvajecca pravierka bajavoj hatoŭnaści, jakaja ŭžo idzie druhi dzień. Jak paviedamlaje Ministerstva abarony, u miežach pravierki ŭ stan poŭnaj hatoŭnaści pryvodzicca miechanizavanaje złučeńnie, a taksama pryciahvajucca dadatkovyja padraździaleńni. Ale dziaržaŭny sakratar Rady biaśpieki Alaksandr Valfovič sa svajho boku zajaviŭ, što hetaja pravierka maje dziŭnuju asablivaść.
Pa słovach Valfoviča, ciapier prymianiałasia novaja schiema: rasparadžeńnie na pryviadzieńnie vajskovaj čaści ŭ bajavuju hatoŭnaść Łukašenka pieradaŭ niepasredna kamandziru miechanizavanaj bryhady praź dziaržsakratara Rady biaśpieki, abminuŭšy Ministerstva abarony i ministra Viktara Chrenina.
Valfovič taksama padkreśliŭ, što Łukašenka asabista štodnia kantraluje chod pravierki, zasłuchoŭvaje dakłady pra vykanańnie pastaŭlenych zadač i daje ŭkazańni. U toj ža čas ministr abarony nie ŭmiešvajecca ŭ praces praviadzieńnia pravierki.
Jak patłumačyŭ Valfovič, takaja schiema źviazana z napružanaj vajenna-palityčnaj situacyjaj u śviecie, jakaja patrabuje pastajannaj vysokaj bajavoj hatoŭnaści vojskaŭ.
Letaś ministr abarony Viktar Chrenin byŭ apošnim čałaviekam, ź jakim Łukašenka nibyta publična razmaŭlaŭ. Za 15 chvilin da nastupleńnia 2026 hoda prapahandysty pakazali, što nibyta pierad tym, jak iści vystupać u studyju — viadoma, što zvarot zapisvajecca zahadzia, — Łukašenka nabiraje pa ŭradavaj suviazi numar ministra abarony Viktara Chrenina i pytajecca ŭ jaho:
«Nu, jak ty žyvieš tam? Jak tam našy praciŭniki, supierniki i, nie daj boh, vorahi? Nu, ty ž razumieješ, u kahości śviata, chtości adznačaje, a nam z taboj nie da śviataŭ. Treba ŭsio bačyć, što adbyvajecca».
Paśla hetaha, pieradaŭšy praz Chrenina pryvitańnie «ŭsim ludziam u pahonach», Łukašenka nibyta pajšoŭ rabić svoj zvarot-vinšavańnie.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva3
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2929
Kamientary