Łukašenka pačuŭ strachi rasijan zhubić Biełaruś i terminova pačaŭ zapeŭnivać u viečnaj lubovi
Łukašenka zajaviŭ, što niama siły, zdolnaj adarvać Biełaruś ad Rasii.
Fota: Alexei Nikolsky, Sputnik, Kremlin Pool Photo via AP
Maskva razharnuła novuju chvalu ałarmisckaj rytoryki, zajaŭlajučy pra nibyta padrychtoŭku Zachadam novych sprobaŭ adarvać Biełaruś ad Rasii. Alaksandr Łukašenka na sustrečy ź dziaržaŭnym sakratarom Sajuznaj dziaržavy Siarhiejem Hłaźjevym adkazaŭ na heta.
«Siońnia ahlad atrymaŭ: u Rasii niekatoryja kažuć, što chtości sprabuje adarvać Biełaruś ad Rasii. Ja nie budu navat kamientavać. Skažu tolki adno: niama toj siły, jakaja siońnia zdolnaja adarvać Biełaruś ad Rasii i Rasiju ad Biełarusi. Abstaviny tak skłalisia, što jany nas razam źviazali, napeŭna, na doŭhija-doŭhija dziesiacihodździ i stahodździ. Choć, uvohule, nas niama ŭ čym papraknuć. My zaŭsiody byli aryjentavanyja na Rasiju. Tam naša mnohaje, kali nie ŭsio. Tam našy resursy, tam naš rynak, kali pra ekanomiku. U nas poŭnaje adzinstva ŭ hetym płanie. Dy i ŭ palityčnym [dačynieńni]», — skazaŭ Łukašenka.