Biełaruskija dziaržaŭnyja ŚMI pačali zaklikać čytać ich u rasijskim miesiendžary Max
Paśla taho jak u Rasii pierajšli da čarhovaha etapu błakiroŭki Telegram i YouTube, niekatoryja biełaruskija prapahandysckija ŚMI pačali aktyŭna prasoŭvać svaje kanały ŭ Max.
Rekłamavać svaje kanały ŭ rasijskim miesiendžary niekatoryja dziaržSMI pačali z 10 lutaha.
Skrynšot: telehram-kanał @sbbytoday
Adno ź ich — «SB.BY Biełaruś siehodnia». Admietna, što aŭdytoryja źjaŭleńnie novaha kanała ŭspryniała nie vielmi pazityŭna. Siarod niešmatlikich reakcyj — 6 smajlikaŭ, jakija płačuć, i adzin, jaki łajecca.
Skrynšot: telehram-kanał @sbbytoday
I kali raniej SB pad dopisami zaklikała padpisvacca niepasredna na svoj telehram-kanał, to ciapier — vyklučna na miesiendžar Max.
Taki zaklik ciapier publikujuć pad kožnym dopisam.
Anałahičnyja pavodziny nazirajucca ŭ telehram-kanale STB.
Skrynšot: telehram-kanał @minskctvby
Praŭda, STB, u adroźnieńnie ad SB, svoj kanał u Max prasoŭvaje nie tak ahresiŭna. Aproč zaklikaŭ padpisacca ŭ Max, tam praciahvajuć publikavać dopisy biez zaklikaŭ ci sa spasyłkaj na YouTube.
Skrynšot: telehram-kanał @minskctvby
U telehram-kanałach ANT i ATN (news.by) prasoŭvańnia kanałaŭ u Max prynamsi pakul niama.
Pakolki aficyjnych zajaŭ pra toje, što ŭ Biełarusi źbirajucca iści rasijskim šlacham, nie było, možna mierkavać, što asobnyja biełaruskija prapahandysckija ŚMI iduć u Max pierš za ŭsio dziela taho, kab zachavać svaju rasijskuju aŭdytoryju.
Čytajcie taksama:
Miesiendžar Max staŭ samym papularnym u Biełarusi? Łuchta, i voś čamu