U Biełarusi chočuć budavać haryzantalnuju viersiju šmatpaviarchovikaŭ-«śviečak»

Damoŭ M111-90, abo tak zvanych «śviečak», apošnim časam u Minsku źjaviłasia niamała. Ale ciapier pradpryjemstva «MAPID» źbirajecca ŭnieści ŭ hety praces inavacyi, paviedamiŭ u intervju vydańniu «Na strojkach Minska» jaho dyrektar Leanid Astrejka.

Damy M 111‑90 ŭ Minsku. Fota Dzianisa Blišča

Havorka idzie pra šmatpaviarchovyja damy sieryi M111-90, jakija ŭžo daŭno źjavilisia ŭ biełaruskich haradach i stali zvykłymi dla žycharoŭ. Adnak zabudoŭščyk płanuje pastupova admovicca ad tradycyjnych «panelek» z-za źmienaŭ na rynku žylla.

«Kanjunktura rynku takaja, što damy ŭ 19 pavierchaŭ my možam budavać tolki ŭ Minsku, i placoŭki abmiežavanyja. U haradach-spadarožnikach realizujucca prajekty da 7‑8 pavierchaŭ. Tamu my daŭno šukajem mahčymaść zamieny vyšynnych budynkaŭ, prapracoŭvajem varyjant haryzantalnaha raźmiaščeńnia sieryi M111-90», — skazaŭ Astrejka.

Pakul nieviadoma, jak mienavita buduć vyhladać novyja haryzantalnyja «śviečki» i ci płanujuć raspaŭsiudzić takuju praktyku na abłasnyja centry. Ale Astrejka paviedamiŭ, što ŭžo ciapier u sieryi M 111‑90 «MAPID» admoviŭsia ad tak zvanaha techničnaha paviercha.

Dakładnyja terminy realizacyi prajekta taksama nie ahučvajucca, adnak zabudoŭščyk spadziajecca prystupić da budaŭnictva ekśpierymientalnaha doma naprykancy 2026 hoda.

Kamientary da artykuła