«Kazachstanski kvartał» i novabudoŭli ŭ Čyžoŭcy, Masiukoŭščynie, Łošycy. Jak budzie zabudoŭvacca Minsk
U stalicy naličvajecca 25 maštabnych placovak zabudovy, pra heta ŭ efiry prahramy «Havoryć i pakazvaje Minsk» raskazaŭ hienieralny dyrektar abjadnańnia «Minskbud» Alaksandr Cierachaŭ, paviedamlajuć Minsk-naviny.
— Biezumoŭna, Minsk raźvivajecca. Zadača na 2025 hod vyznačana — uźvieści zvyš 700 tys. kv. m žylla, — udakładniŭ A. Cierachaŭ. — Kali havaryć pra maštabnyja plamy zabudovy, to ŭ Minsku ich bolš za 25. Akramia horada-spadarožnika Smalevičaŭ i žyłoha rajona Sokał, budaŭnictva budzie vieścisia ŭ Čyžoŭcy, Masiukoŭščynie, Łošycy i nie tolki. Praciahnie raźvivacca Soniečny.
Viadoma, uzvodzicca i kamiercyjnaje žyllo. Naprykład, realizujecca inviestycyjny prajekt małapaviarchovaj zabudovy ŭzdoŭž vuł. Parnikovaj. Tam raźmieściacca try taunchausy, krychu bolš za sotniu indyvidualnych damoŭ.
— Raboty ŭžo pačaty, praktyčna zavieršana prakładka inžynierna-transpartnaj infrastruktury, prystupili da budaŭnictva pieršych budynkaŭ. Realizoŭvać žyllo płanujem praz aŭkcyjony, a taunchausy — pa pryncypie dolevaha budaŭnictva. Praduhledžvajecca, što ŭ 2026 hodzie hetaja placoŭka budzie całkam zabudavana, uklučajučy ŭsie nieabchodnyja atrybuty: asfaltavaje pakryćcio, prajezdy, tratuary, liŭniovuju kanalizacyju, aśviatleńnie. Usio budzie jak u horadzie, ale maksimalna nabližana da pryrody, — patłumačyŭ hiendyrektar «Minskbud».
Jašče adzin cikavy prajekt — «Kazachstanski kvartał». Jon vyraście na miescy vytvorčaj terytoryi ŭ rajonie vulic Čyhunačnaj — Dubravinskaj — Hrušaŭskaj — Pramoj.
— Tam praviedzieny znos budynkaŭ i zbudavańniaŭ, ciapier viadziecca padrychtoŭka terytoryi, — dadaŭ A. Cierachaŭ. — Damy buduć uźviedzieny ŭ sieryjach MAPIDa. Ich admietnaj rysaj stanie kałarytnaje afarbavańnie fasadu. Žyllo pieravažna pryznačana dla tych, chto maje patrebu.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary
(U praciah kamientaryja da artykuła "Admin biełaruskaj Vikipiedyi: Davajcie spynim pisać pra biazdarnaściaŭ tolki tamu, što jany biełarusy abo emihranty").
Naprykład, nahadać:
1. Užo 5 hod, u pieršy raz za paślavajenny pieryjad, Minsk raźvivajecca biez hienpłana.
Adkinuta navat savieckaje płanavańnie, sastarełaje, sa svaimi prablemami.
Hety "novy padychod" da haradskoha płanavańnia paŭpłyvaje na vobliki biełaruskich haradoŭ, efiekt budzie dziejničać dziesiacihodździami (pabudavanaje ŭ hetyja ciomnyja časy biełaruskaj historyi chutka nie razburycca, nie pierabudujecca).
2. Zvyčajnaja rytoryka pra harady-spadarožniki. Kožny čynoŭnik jaje paŭtaraje. I nie zhadvaje pra prablemy tych spadarožnikaŭ.
(Mohuć jašče pryhadać mary pra tramvaj).
3. Vidavočnaje supiarečańnie "chopić zabudoŭvać Minsk" i hetych štohadovych płanaŭ.
4. Mierkavańnie pra "Kazachstanski kvartał" (apošnija dva abzacy i ilustracyja).
Samakrytyka amal nie prychavanaja ŭ raskazie: iznoŭ, prosta nalapić typavych sieryj MAPIDa, a dziela "ŭnikalnaści" razmalavać fasady.
Paharšeńnie spažyvieckich jakaściej navat mapidaŭskich damoŭ: typa modnaje panaramnaje škleńnie (praź jakoje buduć iści śpioka, choład, vilhać, kandensat).
Niejkaje "noŭ-chaŭ" na renderach typa styłabata (abo terytoryi dla akurkaŭ).
5. Rasšyfroŭka "žylla pieravažna dla tych, chto maje patrebu": značyć, 95% dla karnikaŭ ("siłavikoŭ") i 5% dla šmatdzietnych.
Tak, usio heta "biazdarnaje" i "nie vartaje ŭvahi" z punktu hledžańnia mastackaj kaštoŭnaści, ale heta važna tamu, što ludziam, biełarusam siarod hetaha žyć.