Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja

Ideja źjechać kudyści ŭ ciepłyniu hetaj zimoj aktualna jak nikoli. Pahladzieli, jakija miescy dla adpačynku vybrali Darafiejeva i inšyja praŭładnyja zorki.

Viadučaja BT Maryja Bahatyr. Fota tut i dalej: sacsietki

Iryna Darafiejeva źbiehła ad biełaruskich marazoŭ na Maŭrykij — amal 9 tysiač kiłamietraŭ ad domu. «Jak pryjemna znoŭ akunucca ŭ jarkaje soniečnaje leta, adčuć sapraŭdnaje jadnańnie z takoj niezvyčajnaj cudoŭnaj pryrodaj, i znoŭ uzradavacca śvietu, va ŭsioj jaho raznastajnaści i charastvie», — pisała artystka ŭ sacyjalnych sietkach.

Byłaja deputatka płavała na sap-bordzie ŭ fantastyčnaj biruzovaj łahunie, paziravała na čornych vułkaničnych kamianiach dy radavałasia žyrafam u parku Kazeła.

Iryna Darafiejeva na Maŭrykii

Praŭładny śpiavak i kampazitar Hierman Citoŭ, jaki apošnim časam rehularna piša paniehiryki dla Łukašenki i Pucina, palacieŭ adpačyvać na Hoa.

Treba adznačyć, što Indyja dobra paŭpłyvała na artysta — jon narešcie pačaŭ ź ironijaj stavicca da svajho pośpiechu (dakładniej, jaho adsutnaści).

Kali raniej Hierman pakutavaŭ praz toje, što rasijski Z-artyst Šaman nie choča śpiavać ź im pra Pucina i Łukašenku, dyk ciapier žartuje pra svoj kancert. Biełarus zapisaŭ šmat videa, spadziejučysia razrekłamavać svajo vystupleńnie ŭ sakaviku ŭ Minsku: «Budu śpiavać, pakul nie vyhaniać. Kvitki jašče jość, bo ja nie Stas Michajłaŭ», «Źbiraju poŭnuju zału (spadziajusia, chacia b svajakoŭ)».

Hierman Citoŭ na Hoa. Skrynšot videa

Śpievaki Tea i Volha Ryžykava razam z dačkoj adpačyvali zimoj na Siejšelskich vyspach. Jany vybrali šykoŭny 5‑zorkavy hatel Constance Ephelia Resort, jaki znachodzicca na vostravie Mae.

Hatel prapanoŭvaje haściam jak numary kłasa luks, tak i cełyja viły. Ciapier samy tanny numar u im kaštuje 715 jeŭra za noč dla 2 darosłych.

Tea, Volha Ryžykava i ich dačka na Siejšełach

Viadučaja BT Maryja Bahatyr, jakaja taksama viała marafon u padtrymku Łukašenki, apublikavała ŭ instahramie zdymki z Tajłanda. Jana razam z mužam (byłym piaciborcam Illom Pałazkovym, jaki pajšoŭ u ryełtary) vybrała piacizorkavy hatel premijalnaha ŭzroŭniu The Marin Phuket na Pchukiecie.

Viadučaja BT Maryja Bahatyr

«Mis Biełaruś 2023» Eleanora Kačałoŭskaja sioleta razam ź siabroŭkami palacieła adpačyvać na Šry-Łanku, bo maryła pra akijan. Pryhažunia lubavałasia haroj Mały Adamavy Pik, siorfiła, fatahrafavałasia na viežy Ambułuvava dy zaharała na plažy Chikaduvy.

Eleanora Kačałoŭskaja na Šry-Łancy

Kamientary da artykuła