Viadučaja «Marafonu adzinstva» ŭ padtrymku Łukašenki adpačyvała ŭ Łatvii
Viadučaja telekanała «Biełaruś 5» Maryja Bahatyr kaža, što «Biełaruś nie spynić ni sankcyjami, ni ciskam: my zmožam supraćstajać absalutna ŭsiamu». Ale ž i adpačynak u Jeŭrasajuzie jana taksama lubić.
Viadučaja Maryja Bahatyr na BT zvyčajna raskazvaje pra vandroŭki ci spartyŭnyja mierapryjemstvy. Letaś jana razam z rasijskim cyrkačom Edharam Zapašnym viała ekstremalnaje šou «Hieroi».
Zastavacca «pa-za palitykaj» u Maryi nie atrymoŭvajecca. Jana krytykavała sankcyi ŭ adnosinach da biełaruskich i rasijskich spartsmienaŭ, jakija nie dapuščany da prestyžnych suśvietnych spabornictvaŭ. «Biełaruskuju mašynu — ja vielmi lublu heta kazać! — nie spynić ni sankcyjami, ni ciskam: my zmožam supraćstajać absalutna ŭsiamu», — kazała viadučaja.
Bahatyr prymała ŭdzieł u łukašenkaŭskich čempijanatach pa kołcy droŭ siarod prapahandystaŭ. A ŭ žniŭni 2022-ha aśviatlała mižnarodnyja vajskovyja hulni i ščaśliva fatahrafavałasia na fonie pradstaŭnikoŭ rasijskaj armii.
Letaś žančyna taksama była viadučaj praŭładnaha «Marafonu adzinstva», hałoŭnaj metaj jakoha była padtrymka Łukašenki napiaredadni čarhovych vybaraŭ. A paśla dziakavała ŭ sacsietkach arhanizataram za «mahčymaść vieści takoje znakavaje dla našaj krainy mierapryjemstva».
Niekalki dzion tamu televiadučaja apublikavała ŭ instahramie fotazdymki ŭ kupalniku i videa, zroblenyja na bierazie Bałtyjskaha mora ŭ Łatvii. Maryja paznačyła hieałakacyju — Jurmała. Paradavaŭsia za kalehu navat prapahandyst Ihar Tur, pastaviŭšy łajk.
Heta nie pieršy raz, kali Maryja adpačyvaje ŭ Jeŭropie. Letaś u vieraśni jana pryznavałasia ŭ lubovi Paryžu i pakazvała, jak cudoŭna bavić čas ź siabroŭkaj u Dysnejłendzie.
Darečy, muž Maryi — biełaruski piaciborac Illa Pałazkoŭ. Raniej chłopiec raskazvaŭ, što maryć pra alimpijski miedal. Jon udzielničaŭ u Alimpijadzie ŭ Tokia i nios čyrvona-zialony ściah na cyrymonii zakryćcia.
Niejki čas paśla napadu Rasii na Ukrainu Illa sprabavaŭ vyhladać aptymistam, niahledziačy na niadopusk praz sankcyi biełarusaŭ na prestyžnyja mižnarodnyja spabornictvy. I navat padtrymlivaŭ tezis prapahandy, što rasijski Kubak Ladniova — heta narmalnaja alternatyva Kubka śvietu.
Letaś Illa pryznaŭsia ŭ sacyjalnych sietkach, što pakinuŭ vialiki sport i pačaŭ zajmacca bolš prazaičnaj spravaj — staŭ ryełtaram.
Maldyvy, Zanzibar i Italija: kudy paniesła adpačyvać prychilnikaŭ Łukašenki
«Nu kajf ža!» Kamientatarka «Biełaruś 5» Daryna Zapolskaja adpačyvaje ŭ Francyi FOTA
Režysiorka kancertaŭ dla Łukašenki śviatkavała Novy hod i Rastvo ŭ Vialikabrytanii — šmat FOTA
«Bierlin uziaty». Zakachanyja žurnalisty BT adpačyvajuć u Hiermanii FOTY
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju5
Kamientary