Błohierka Baba Niura adpačyvaje pa sistemie all inclusive u Amanie. Raskazała, kolki heta kaštavała

Nahadajem: viadomaść Hańnie Klincevič prynios vobraz Baby Niury — u svaich videa błohierka paradziruje viaskovuju babulu. U 2024 hodzie jana pieramahła ŭ dziaržaŭnym šou «Fabryka błohieraŭ». Ciapier na staronki Baby Niury ŭ instahramie i tyktoku ahułam padpisana 213 tysiač čałaviek.

Pieršy šlub Hanny nie vytrymaŭ vyprabavańnia słavaj. Letaś u červieni Hanna pryznałasia, što raźviałasia i ŭžo paśpieła sustreć novaje kachańnie — u «Drazdach» (Hanna aktyŭna hastralavała razam z hurtam). Jaje abrańnikam staŭ hitaryst Raman Harbacki. U vieraśni 2025 hoda jon zrabiŭ kachanaj prapanovu ruki i serca, a ŭžo ŭ kastryčniku para pryjšła ŭ ZAHS.

U śniežni ščaślivaja Hanna raspaviała, što jany z Ramanam čakajuć dzicia (ad pieršaha šlubu ŭ Hanny jość dačka Jeva).

Ciapier ža muž z žonkaj palacieli adpačyvać. Napramak vybrali niebanalny — Aman. Ale całkam zadavolenyja vybaram.

Pavialičyć

Kaniečnie, Hannu zavalili pytańniami nakont taho, jak jana pieraniesła pieralot ź Minska ŭ Sałału.

— Pieralot byŭ składanym. Kali jość mahčymaść, dyk ciažarnaj było b vielmi fajna lacieć u biznes-kłasie. Bo miesca małavata, ty nie chočaš kahości turbavać — a lacieć usio ž siem hadzin.

Ad pieralotu Hanna adychodziła sutki, ale ŭ vyniku ŭ zachapleńni i ad krainy, i ad hatela. A vybrała błohierka piacizorkavy Alila Hinu Bay: «Usio jak my ŭjaŭlali — cichaja raskoša, jak nam raskazvaŭ naš turapieratar».

Darečy, studzień ličycca vysokim siezonam dla Amana — u hety čas nie nadta śpiakotna i dla plažnaha adpačynku, i dla ekskursij.

Adzinaje, što ździviła Hannu — toje, što a siomaj viečara ŭžo nastupaje noč. Tamu ciapier jana płanuje pračynacca raniej, kab atrymlivać bolš asałody ad vuličnaj atmaśfiery.

A voś padpisčykaŭ ździviła toje, što na videa Hanny zusim niama inšych turystaŭ — pusta i na plažy, i za stolikami pobač z basiejnam. Niechta navat žartaŭliva spytaŭ, ci nie tolki adna siamja ciapier znachodzicca ŭ hetym hateli.

— U hetym uvieś prykoł. Tut jość ludzi, ale terytoryja takaja vialikaja, takaja kłasnaja, što nichto nikomu nie pieraškadžaje. Kali my braniravali hatel, nam kazali, što navat pry poŭnaj zahruzcy budzie adčuvańnie, što my adny ŭ hateli. I heta sapraŭdy tak. A jašče nam zdajecca, što my adzinyja ruskamoŭnyja turysty ŭ hetym hateli.

Raspaviała Hanna i pra canu. Dvanaccać dzion adpačynku dla pary pa sistemie all inclusive kaštavali $4700.

• 0
• 0
• 0
• 5
• 0
• 0
• 0
• 1