Niedaloka ad čyhunačnaha vakzała ŭ Minsku budujuć novuju pravasłaŭnuju carkvu
Chram u honar ikony Božaj Maci «Skorapasłušnica» budujuć u rajonie vulic Tałstoha i Mahiloŭskaj. Ad minskaha čyhunačnaha vakzała da budučaj carkvy — kala kiłamietra, a ad stancyj mietro «Vakzalnaja» i «Instytut kultury» — prykładna 600—700 mietraŭ, piša Realt.by.
Pavodle publičnaj kadastravaj karty, ziamielny ŭčastak dla budaŭnictva aformili ŭ 2024 hodzie. Jak paznačana ŭ pašparcie abjekta, raboty pačalisia ŭ červieni 2025 hoda, a zaviaršyć ich płanujuć u krasaviku 2026-ha.
Budoŭla viadziecca pobač sa šmatpaviarchovymi damami i pryvatnaj zabudovaj. Niepadalok znachodziacca biznes-centr «Tytuł» na vulicy Lva Tałstoha, čyhunačny vakzał i kompleks «Varoty Minska».
Prajekt chrama raspracavany indyvidualna, z ulikam patreb ludziej ź invalidnaściu. U budynku praduhledžanyja čatyry nadziemnyja ŭzroŭni i adzin padziemny, a taksama lift.
Čytajcie taksama:
Maślenica zamiest Kazimira. Jak dehradavali Kaziuki ŭ Hrodnie, ad jakich zastałasia tolki nazva
Manašak sa Śviata-Jelisaviecinskaha manastyra zaŭvažyli ŭ jašče adnoj krainie «amaralnaj Jeŭropy»