Maślenica zamiest Kazimira. Jak dehradavali Kaziuki ŭ Hrodnie, ad jakich zastałasia tolki nazva
Sioleta adrodžanamu ŭ Hrodnie fiestyvalu ramieśnikaŭ Kaziuki, prymierkavanamu da dnia śviatoha Kazimira, spaŭniajecca 25 hod. Adnak heta važnaja tradycyja ŭsio bolej u zaniapadzie. Kab sumiaścić niesumiaščalnaje — Maślenicu i Kaziuki — abrali dzień, jaki nie padychodzić ni da adnaho, ni da druhoha śviata, piša Katolik.life.
Apošni raz fiestyval ładzili jak samastojnaje mierapryjemstva ŭ 2021 hodzie, i tady farmalna jon jašče zachoŭvaŭ status mižnarodnaha, dziakujučy udzielnikam z Ukrainy.
Zatym fiestyval pačaŭ pradstaŭlać tolki biełaruskich majstroŭ, a sam jon staŭ častkaj maśleničnych hulańniaŭ, što źjaŭlajecca nonsensam.
Sioleta situacyja ŭvohule absurdnaja. Kaziuki znoŭ sumiaścili z Maślenicaj i pryznačyli na datu, kali dla śviata śviatoha Kazimira (4 sakavika) jašče rana, a dla Maślenicy ŭžo pozna.
Fiestyval «Hrodzienski razhulaj», u miežach jakoha adbuducca Kaziuki, zapłanavali na 28 lutaha. Ale hałoŭny akcent — na Maślenicy. U prahramie — maśleničny parad, kancerty, łazańnie na słup i spalvańnie pudziła.
I heta pry tym, što sioleta apošni dzień Maślenicy, jakaja farmalna źviazanaja ź Vialikim postam u pravasłaŭnych, — 22 lutaha. A 28 lutaha budzie ŭžo pieršaja niadziela Vialikaha postu ŭ Pravasłaŭnaj carkvie.
Prykmietaŭ śviatkavańnia Maślenicy z chryścijanskim sensam, a nie pahanskim, nie było i raniej, adnak daty maśleničnaha tydnia ŭ pravasłaŭnych dahetul trymalisia. Ciapier ža, kab iznoŭ sumiaścić niesumiaščalnaje — Maślenicu i Kaziuki — abrali dzień, jaki nie padychodzić ni da adnaho, ni da druhoha śviata.
Taksama niama nijakich zhadak, z nahody čaho ŭvohule śviatkujucca Kaziuki: u honar katalickaha śviatoha Kazimira, jaki 4 sakavika adyjšoŭ u viečnaść mienavita ŭ Hrodnie, — apiekuna narodaŭ Vialikaha Kniastva Litoŭskaha i Polščy, a taksama ramieśnikaŭ. Heta padkreślivajuć padčas znakamitaha Kaziukasa ŭ Vilni, dzie ładziać šeście ź fihuraj śviatoha Kazimira.
U Hrodnie takoha nie było i raniej, ciapier ža niama navat uzhadak apiekuna ramieśnikaŭ. Tamu hrodzienskija Kaziuki razam z abradam spalvańnia pudziła stvarajuć ujaŭleńnie, što fiestyval nibyta źviazany z pahanskaj Maślenicaj. Ad tradycyi zastałasia tolki nazva.
Katalicki biskup maksimalna ŭźniosła ŭsłaviŭ «Hod biełaruskaj žančyny»
Manašak sa Śviata-Jelisaviecinskaha manastyra zaŭvažyli ŭ jašče adnoj krainie «amaralnaj Jeŭropy»
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram
Sioleta pravasłaŭnaje duchavienstva ŭpieršyniu nie ŭdzielničała ŭ malitvie za adzinstva chryścijan
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady7
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary
[Zredahavana]