Mužčyna ŭciahnuŭ HUBAZiK u siamiejny kanflikt, sprabujučy pasadzić maci svajho syna za «ekstremizm»
Tyktok-karystalnik ihar.pisareuski zapisaŭ niekalki rolikaŭ, u jakich raspavioŭ, što ŭžo čatyry miesiacy nie bačyŭ syna z-za kanfliktu ź jaho maci, zaŭvažyŭ telehram-kanał «Vitiebsk, ja hulaju!»
Skrynšot ź videa
Samaje tryvožnaje — jak jon vyrašyŭ «vypravić» situacyju. Pavodle jaho słoŭ, jon faktyčna nackavaŭ na žančynu HUBAZiK: spačatku damahaŭsia jaje pryciahnieńnia pa administracyjnym artykule ab raspaŭsiudzie «ekstremizmu» (č. 2 art. 19.11 KaAP).
Adnak sud Puchavickaha rajona ŭ śniežni 2025 hoda admoviŭsia karać žančynu z-za małavažnaści praviny. Minski abłasny sud u studzieni 2026 hoda pakinuŭ hetaje rašeńnie ŭ sile.
Mužčynu heta nie spyniła: ciapier jon śćviardžaje, što «naryŭ» padstavy dla kryminalnaj spravy — pa č. 1 art. 368 KK (abraza Łukašenki).
Čytajcie taksama:
Na svabodzie palitźniavolenaja Natalla Levaja. Jana ciažarnaja, pa płanie naradžać u sakaviku
Čatyroch čałaviek asudzili za supracoŭnictva z «Bajsołam». «Bajsoł» prakamientavaŭ
Stała viadoma, jaki prysud vynieśli palitviaźniu Maksimu Siamitku