«Zakon pavinien iści svajoj darohaj». Karł III prakamientavaŭ aryšt svajho brata
Karol Vialikabrytanii Karł III prakamientavaŭ zatrymańnie svajho brata, byłoha prynca Endru, jakoha padazrajuć u złoŭžyvańni słužbovym stanoviščam.
Karł III (sprava) z bratam Endru. 16 vieraśnia 2025 hoda. Fota: AP Photo / Joanna Chan, File
U aficyjnaj zajavie manarch adznačyŭ, što ź vialikaj zaniepakojenaściu daviedaŭsia pra naviny, jakija tyčacca Endru Mauntbatena-Vindzara i mahčymych złoŭžyvańniaŭ uładaj. Pavodle jaho słoŭ, ciapier adbudziecca poŭny, spraviadlivy i naležny praces, u ramkach jakoha sprava budzie rasśledavanaja adpaviednymi orhanami.
Karł III padkreśliŭ, što «zakon pavinien iści svajoj darohaj».
«Pakul hety praces idzie, z majho boku było b niedarečna kamientavać hetuju spravu dalej. Tym časam maja siamja i ja budziem praciahvać vykonvać svoj abaviazak i słužyć vam usim», — havorycca ŭ zajavie.
19 lutaha małodšy brat karala Endru byŭ zatrymany pa padazreńni ŭ złoŭžyvańni słužbovym stanoviščam. Raniej Karł III pazbaviŭ jaho aficyjnych tytułaŭ i abaviazkaŭ na fonie skandału, źviazanaha z kantaktami Endru z Džefry Epštejnam.
Čytajcie taksama:
Zatrymany brat Karła III, były prync Endru
Na fota z fajłaŭ Epštejna brytanskaha prynca Endru źniali na kaleniach pierad lažačaj žančynaj
Prync Endru admoviŭsia ad tytuła hiercaha Jorkskaha. Jamu znoŭ vylezła bokam sprava Epštejna