Na fota z fajłaŭ Epštejna brytanskaha prynca Endru źniali na kaleniach pierad lažačaj žančynaj
U novych materyjałach tak zvanych «fajłaŭ Epštejna», jakija apublikavała Ministerstva justycyi ZŠA, źjavilisia fatahrafii, na jakich, jak miarkuje Bi-bi-si, moža być brytanski prync Endru Mauntbaten-Vindzar — druhi syn karalevy Lizaviety II i rodny brat ciapierašniaha karala Karła III. Raniej jon straciŭ usie svaje karaleŭskija tytuły.
Na apublikavanych zdymkach mužčyna staić na kaleniach pobač z žančynaj, tvar jakoj zakryty čornym pramavuholnikam. Žančyna adzietaja. Na dvuch fota mužčyna dakranajecca da jaje žyvata, a na adnym hladzić prosta ŭ kamieru.
Bi-bi-si adznačaje, što nijakaha tłumačeńnia kantekstu hetych fatahrafij niama: nieviadoma, kali i dzie jany byli zroblenyja. Tym nie mienš, žurnalisty padkreślivajuć, što ich publikacyja moža jašče bolš uzmacnić cisk na prynca Endru, jaki i raniej akazvaŭsia ŭ centry ŭvahi z-za svajoj blizkaj suviazi z Džefry Epštejnam, asudžanym za seksualnyja złačynstvy.
Akramia fota, byli apublikavanyja elektronnyja listy, ź jakich vynikaje, što ŭ žniŭni 2010 hoda Epštejn zaprašaŭ prynca Endru na viačeru z «pryhožaj 26‑hadovaj rasijankaj». Heta adbyłosia ŭžo praz dva hady paśla taho, jak finansist pryznaŭ svaju vinu ŭ suviaziach ź niepaŭnaletniaj.
Taksama siarod dakumientaŭ jość aficyjny zapyt uładaŭ ZŠA ad 2020 hoda z prośbaj dapytať Mauntbatena-Vindzara. U im havaryłasia, što prync Endru moh być śviedkam abo ŭdzielnikam padziej, važnych dla rasśledavańnia.
U kastryčniku 2025 hoda prync Endru byŭ pazbaŭleny ŭsich svaich tytułaŭ i pryvilej, u tym liku prava žyć u rezidencyi ŭ Vindzary. Takaja strata statusu nie maje anałahaŭ u sučasnaj historyi brytanskaj manarchii.
30 studzienia 2026 hoda Ministerstva justycyi ZŠA apublikavała taksama novyja dakumienty ŭ spravie Epštejna. Siarod ich — zajava žančyny, jakaja abvinavaciła dziejnaha prezidenta ZŠA Donalda Trampa ŭ zhvałtavańni, jakoje nibyta adbyłosia, kali joj było 13 hadoŭ. Apisańni vypadkaŭ hvałtu, jak adznačaje telekanał CNN, supadajuć z abvinavačańniami, padadzienymi ŭ 2016 hodzie ananimnaj Džejn Doŭ, ale tady jana paźniej admoviłasia ad pazovu.
Dakumienty taksama śviedčać, što ŭ kancy 2013 hoda miljarder Iłan Mask pisaŭ Epštejnu, kab uzhadnić mahčymuju pajezdku na jahony karybski vostraŭ. Ci adbyłasia jana na samaj spravie — nieviadoma, ale pierapiska śviedčyć pra ŭzrovień kantaktaŭ, pra jaki raniej nie paviedamlałasia.
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu
Apublikavany try miljony fajłaŭ Epštejna: što novaha i ci buduć jašče?
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak
Apublikavali novuju partyju materyjałaŭ pa spravie Epštejna. Tam znoŭ zhadvajecca Tramp
Bił Klintan, Majkł Džeksan i Mik Džahier. Kaho možna znajści ŭ novych dakumientach sa spravy Džefry Epštejna
Apublikavali novyja fota z archiva Džefry Epštejna. Na ich jość i Tramp
Ciapier čytajuć
Čempijon Biełarusi i Polščy trapiŭ za kraty praz toje, što źbieh ad słužby ŭ biełaruskim vojsku. A ciapier uvohule źnik2
Kamientary
Nahadaju jašče raz: kali pišacie pra prynca Endru, pišycie pra historyju Virdžyniju Džufry Robierts, jakaja raspaviała ŬSIO pra hetaha čałavieka, i što jon vypraviŭ joj kampiensacyju 12młn dalaraŭ. Jana davała publičnyja kamientary i paśmiarotna vypuściła knihu "Nobody's girl". Paśla jaje cisku tolki jamu daviałosia adračysia ad prastoła. Ale ŭ vyniku što majem: pakarańnia prync nie atrymaŭ nijakaha.
A na fotazdymku nieviadoma chto: darosłaja žančyna ci małoje dziaŭčo. Taksama važny momant.
[Zredahavana]
Pasrednaści hienijaŭ nie razumiejuć, chiba tolki pa časie.
Voś ciapier ja razumieju, dzie toje hadziučaje pole, pa jakim chodzić Tramp - na vostravie Epštejna, jahonaha daŭniaha siabra!