Trampa prainfarmavali, što vajskoŭcy hatovyja da bajavych dziejańniaŭ suprać Irana ŭžo zaŭtra

Adnak, kali apieracyja i zdarycca, to, vierahodna, pačniecca nie ŭ nastupnyja vychodnyja, śćviardžaje telekanał CBS sa spasyłkaj na krynicy.

Fota: Majid Saeedi/Getty Images

Amierykanskaje vojska hatovaje nanieści ŭdar pa Iranie ŭ hetuju subotu, 21 lutaha. Pra heta prezidentu ZŠA Donaldu Trampu paviedamili vysokapastaŭlenyja čynoŭniki, adkaznyja za nacyjanalnuju biaśpieku, piša CBS News sa spasyłkaj na daśviedčanyja krynicy.

Sa słoŭ surazmoŭcaŭ telekanała, Tramp jašče nie pryniaŭ kančatkovaha rašeńnia, adnak u Biełym domie iduć «dynamičnyja i bieśpierapynnyja» abmierkavańni hetaha pytańnia. Siarod inšaha, uzvažvajucca ryzyki eskałacyi, a taksama «palityčnyja i vajskovyja nastupstvy strymanaści».

Razam z tym Vialikabrytanija admoviła ZŠA ŭ vykarystańni baz dla ŭdaraŭ pa Iranie.

Łondan nie dazvalaje ZŠA nanosić avijaŭdary pa Iranie z brytanskaj bazy na vostravie Dyjeha-Harsija i avijabazy ŭ Hłosteršyry.

Baza ŭ Dyjeha-Harsija, karta Bi-bi-si

Amierykanskija vajskoŭcy raźličvali na vykarystańnie bazy na Dyjeha-Harsija, a taksama bazy RAF Fairford u Hłosteršyry, dzie znachodziacca ciažkija bambaviki ZŠA.

«Zhodna z daŭnim pahadnieńniem pamiž Łondanam i Vašynhtonam, Pientahon moža pačynać apieracyi tolki z hetych dvuch miescaŭ, a taksama ź inšych avijabaz Vialikabrytanii, dzie raźmieščany amierykanskija vajskovyja samaloty i piersanał, pry papiarednim adabreńni brytanskaha ŭrada.

Adnak, Vialikabrytanija nie dała dazvołu bić pa Iranie, bo zaniepakojenaja mahčymym parušeńniem mižnarodnaha prava.

Kamientary da artykuła