Biełaruskija daktary praviali składanuju apieracyju na sercy niemaŭlaci
Śpiecyjalisty Respublikanskaha navukova-praktyčnaha centra dziciačaj chirurhii akazali dapamohu niemaŭlaci z Rasii, paviedamlaje pres-słužba Minzdaroŭja. Kamandaj kiravaŭ dyrektar centra i hałoŭny pazaštatny dziciačy chirurh Ministerstva achovy zdaroŭja Kanstancin Drazdoŭski.
Fota: Minzdaroŭja
U dziciaci dyjahnastavali ciažki pryrodžany parok serca — pierapynak duhi aorty i defiekt mižžałudačkavaj pieraharodki. Asablivuju składanaść stvarała toje, što vaha niemaŭlaci składała ŭsiaho kala 2,5 kiłahrama.
Pavodle słoŭ Drazdoŭskaha, u suśvietnaj praktycy padobnyja vypadki zvyčajna apierujuć u dva etapy. Adnak biełaruskija miedyki zdoleli vykanać karekcyju za adnu apieracyju. Heta dazvoliła adrazu likvidavać krytyčnaje parušeńnie krovazvarotu i nie adkładvać lačeńnie.
Apieracyja prajšła paśpiachova, ciapier dzicia adčuvaje siabie dobra. Miedycynskuju dapamohu akazali biaspłatna ŭ ramkach ekstrannaha lačeńnia.
Čytajcie taksama:
Biełaruskija chirurhi praviali pieršuju apieracyju pry dapamozie kitajskaha robata
Letaś u Biełarusi praviali rekordnuju kolkaść transpłantacyj
Unikalnuju apieracyju zrabili ŭ Viciebsku: paralizavany pacyjent znoŭ pačaŭ chadzić