Unikalnuju apieracyju zrabili ŭ Viciebsku: paralizavany pacyjent znoŭ pačaŭ chadzić
U Viciebsku praviali ŭnikalnuju dla Biełarusi apieracyju na pazvanočniku. Chirurhi vykarystali ajčynny impłant, nadrukavany na 3D-pryntary, kab pastavić na nohi čałavieka, jakomu prahnazavali pažyćciovuju invalidnaść.
Viciebskija chirurhi ŭpieršyniu praviali apieracyju na chrybcie z prymianieńniem 3D-technałohij. Impłant ajčynnaj vytvorčaści dazvoliŭ poŭnaściu prybrać nahruzku z paškodžanaha šyjnaha adździeła i pieraraźmierkavać vahu hałavy na zdarovyja hrudnyja pazvanki. Pacyjent, jakoha ŭ balnicu pryvieźli paralizavanym, užo staić na svaich nahach, paviedamlaje ANT.
Pacyjentam staŭ Siarhiej Kapačoŭ, likvidatar avaryi na Čarnobylskaj AES. Mužčynu raptam paralizavała, i lekaram pryjšłosia dziejničać rašuča. Śpiecyjalisty Centra chirurhičnaj śpinalnaj infiekcyi stvaryli dakładnuju 3D-madel pazvanočnika Siarhieja. Na jaje asnovie inžyniery vyrabili śpiecyjalny mietaličny impłant. Hetaja kanstrukcyja dazvoliła: całkam źniać nahruzku z paškodžanaha šyjnaha adździeła i pieraraźmierkavać vahu hałavy na zdarovyja hrudnyja pazvanki.
Efiekt pieravysiŭ čakańni: užo praź niekalki dzion paśla apieracyi mužčyna nie prosta staŭ na nohi, a pačaŭ chadzić samastojna.
Zaraz u viciebskim centry znachodziacca jašče kala 10 pacyjentaŭ, jakija čakajuć svaje piersanalnyja impłanty.
Pieradavy vopyt viciebskich chirurhaŭ užo pačali pierajmać kalehi z usioj krainy — praviedziena bolš za 1000 dystancyjnych kansultacyj dla inšych balnic.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach6
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary