Niderłandskaja kańkabiežka paśla pieramohi na Alimpijadzie rasšpiliłasia da stanika. Ci buduć jaje karać?
Na alimpijskuju čempijonku pa kańkabiežnym sporcie Jutu Lerdam nie buduć nakładać nijakich sankcyj za toje, što paśla pieramohi jana rasšpiliła svoj spartyŭny kaścium i pakazała bieły firmovy spartyŭny stanik firmy Nike. Pra heta paviedamili pradstaŭniki Mižnarodnaha alimpijskaha kamiteta.
Juta Lerdam paśla pieramohi. Fota: iang Qiming/China News Service/VCG via Getty Images
27‑hadovaja niderłandskaja spartsmienka vyjhrała Alimpijadu ŭ Italii na dystancyi 1000 mietraŭ. Paśla finišu jana rasšpiliła kaścium, što źjaŭlajecca zvyčajnaj praktykaj u kańkabiežcaŭ, bo ekipiroŭka vielmi ščylna ablahaje cieła. Ale z hłybinioj rasšpilvańnia Lerdam jaŭna pierastarałasia.
Fota chutka razyšłosia ŭ internecie, a ŚMI paviedamlali, što za takuju publičnuju demanstracyju bializny dziaŭčyna mahła atrymać kala miljona dalaraŭ.
Markietynhavy dyrektar MAK Anna-Safi Vumar, adnak, adznačyła, što ŭčynak Lerdam nie byŭ markietynhavym chodam, jon adpaviadaje zvyčajnym pavodzinam spartsmienaŭ paśla zajezdu.
Na Alimpijadzie ŭ Miłanie i Karcinie d'Ampieca Juta Lerdam, akramia zołata na 1000 mietrach, atrymała srebra na dystancyi 500 mietraŭ.
Raniej, u 2022 hodzie, Lerdam zavajavała srebra na hulniach u Piekinie na dystancyi 1000 mietraŭ. Taksama jana piać razoŭ pieramahała na čempijanatach śvietu na asobnych dystancyjach i stanaviłasia čempijonkaj śvietu ŭ spryntarskim šmatborji.
Čytajcie taksama:
Narviehija pabiła svoj ža rekord pa kolkaści zołata na zimovaj Alimpijadzie
Hety spartsmien samy chutki na lodzie. Ekśpierty bačać jaho budučyniu i ŭ viełasporcie