U minskim piacipaviarchoviku prarvała trubu z haračaj vadoj, a kamunalniki tydzień nie varušacca
U domie №14 na minskaj vulicy Kiedyški z 16 lutaha ŭ trecim padjeździe pad leśvicaj ciače haračaja vada — tam adbyŭsia praryŭ truby. Pra heta paviedamili žychary doma, jakija źviarnulisia ŭ redakcyju ahienctva «Minsk-Naviny».
Skrynšot ź videa
Miascovyja žychary śćviardžajuć, što nieadnarazova pakidali zajaŭki ŭ słužbu «115», adnak ramont im tak i nie byŭ zrobleny. Spačatku im abiacali likvidavać avaryju ŭ aŭtorak, potym u sieradu, ale situacyja nie źmianiłasia i dahetul. Pa słovach ludziej, vada praciahvaje ciačy, a ź luka idzie para.
Žychary taksama źviartalisia ŭ ŽKH Pieršamajskaha rajona Minska i pa ich prośbie dasyłali videa ź miesca praryvu. Im abiacali ŭziać situacyju na kantrol i jak maha chutčej zavaryć trubu, adnak, pa słovach zajaŭnikaŭ, i tut realnych dziejańniaŭ za hetym nie pajšło.
Čytajcie taksama:
U histaryčnym domie ŭ centry Minska zalivaje kvatery: «Za sutki vynies 30 viodraŭ vady»
U Zasłaŭi tratuary pieratvarylisia ŭ koŭzanku. Kamunalniki razvodziać rukami
Ludzi śpiać z tazikami: u centry Minska zatapiła ceły žyły dom
Biełarusy atrymlivajuć žyroŭki paśla studzieńskich marazoŭ. Kolki za aciapleńnie?