Źjaviłasia videa, jak minskija kamunalniki niezvyčajna abaraniali piešachodaŭ ad padzieńnia ledziašoŭ z dachaŭ damoŭ
«Jak pavinny stužački ad ledziašoŭ źbierahčy?» — nie razumiejuć kamientatary.
U tyktoku źjaviłasia videa, jakoje pakazała niezvyčajnaje rašeńnie prablemy ledziašoŭ uzdoŭž vulic Kisialova, 3 i Kisialova, 5. Naŭrad ci vy takoje bačyli. Kamunalniki paviesili papieradžalnyja stužki nad hałovami minakoŭ.
«Voś našy kamunalniki vielmi kiemlivyja minskija. Voś jany panaviešvali ŭzdoŭž hetych damoŭ voś takich čyrvonych stužak. Darožku jany nie rasčyścili, nivodnaha niama na pracoŭnym miescy. Ledziašy nichto nie źbivaje ni z dachaŭ, ni z bałkonaŭ. Ściežak nijakich zboku nie prakładziena. I voś ludzi sabie iduć, dzieci sa škoły… Voś prosta pad ledziašami. Chto budzie vinavaty? Pytańnie. Kali štości zdarycca…» — prakamientavaŭ aŭtar videa.
Videa vyklikała abmierkavańnie ŭ sacyjalnych sietkach. Kamientatary iranična nazyvajuć takija miery «śviatočnymi hirlandami», nie razumiejučy praktyčny sens takoj aharodžy.
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary