U Astravieckim rajonie školny ŭrok da Dnia rodnaj movy pravioŭ ksiondz

U Varnianskaj siaredniaj škole Astravieckaha rajona 21 lutaha, u Mižnarodny dzień rodnaj movy, było šmat mierapryjemstvaŭ dla vučniaŭ usich kłasaŭ, ad małodšych da starejšych. U adnoj z sustreč pryniaŭ udzieł probašč katalickaj parafii ŭ Varnianach ksiondz Viktar Zachareŭski. Jaho zaprasili stać hościem kvestu «Klučy ad serca movy» dla vučniaŭ 10‑11 kłasaŭ, piša Katolik.life.

Śviatar skazaŭ školnikam, što biełaruskaja mova — heta nie tolki huki i litary, ale i šlach da Boha, kali vymaŭlać ich ź luboŭju.

Što adno karotkaje «trymajsia», skazanaje pa-biełarusku, moža stać sapraŭdnaj malitvaj za taho, chto pobač.

Što słova, narodžanaje ŭ sercy, zdolnaje suciešyć macniej, čym doŭhija pramovy. 

«Niachaj vašy słovy zaŭždy niasuć śviatło», — pažadaŭ śviatar.

Kamientary da artykuła