Va ŭkrainskim Mikałajevie ŭ vyniku vybuchu paciarpieli 7 palicejskich. Heta druhi vypadak paśla Lvova
23 lutaha ŭ 18:10 u Mikałajevie adbyŭsia vybuch na terytoryi niadziejnaj aŭtazapraŭki. U vyniku paciarpieli siem supracoŭnikaŭ patrulnaj palicyi, jakija pryjechali na źmienu i pryparkavali tam svaje aŭtamabili, paviedamlaje Nacyjanalnaja palicyja Ukrainy.
Dva čałavieki ciapier znachodziacca ŭ ciažkim stanie, miedyki akazvajuć im nieabchodnuju dapamohu.
21 lutaha padobny incydent z palicejskimi adbyŭsia ŭ Lvovie. Tam zahinuła dziaŭčyna-palicejskaja. Ułady ličać, što heta nie vypadkovaść, a metanakiravanyja dziejańni suprać supracoŭnikaŭ pravaachoŭnych orhanaŭ.
Vybuchi razhladajucca jak sproba ŭdaryć pa ŭkrainskaj sistemie pravaparadku i stvaryć niestabilnaść unutry krainy.
Čytajcie taksama:
Zatrymali padazravanuju ŭ ździajśnieńni terarystyčnaha akta ŭ Lvovie
U Lvovie nočču adbyŭsia terakt. Zahinuła dziaŭčyna-palicejski