Jeŭrakamisija sprabavała dapamahčy Litvie viarnuć fury ź Biełarusi. Sproby nazvali «niepravamiernymi»

Padčas sustrečy z namieśnicaj Hienieralnaha sakratara AAN, vykanaŭčym sakratarom Jeŭrapiejskaj ekanamičnaj kamisii AAN Taćcianaj Maŭčan namieśnik ministra zamiežnych spraŭ Biełarusi Ihar Sakreta zhadaŭ pra sproby Jeŭrakamisii ŭmiašacca ŭ situacyju ź litoŭska-biełaruskim kanfliktam z zatrymanymi ŭ Biełarusi furami.

Zdymak ilustracyjny. Fota: «Naša Niva»

Sakreta źviarnuŭ uvahu na, jak jon adznačyŭ, niepravamiernyja sproby ŭmiašańnia Jeŭrakamisii ŭ dvuchbakovyja pytańni pamiž Biełaruśsiu i Litvoj, źviazanyja ź situacyjaj vakoł litoŭskich fur, jakija z kastryčnika minułaha hoda znachodziacca na terytoryi Biełarusi.

Taksama jon padkreśliŭ nieabchodnaść «depalityzavanaha» vykanańnia misii JEEK AAN u śfiery ekanamičnaha raźvićcia i pavyšeńnia transpartnaj źviazanaści rehijonu. Maŭlaŭ, Jeŭrakamisija nie vykonvaje abaviazacielstvaŭ pavodle jeŭrapiejskaha pahadnieńnia, jakoje rehuluje pracu ekipažaŭ transpartnych srodkaŭ u mižnarodnych aŭtapieravozkach.

Kryzis na biełaruska-litoŭskaj miažy ŭźnik paśla taho, jak Biełaruś niekalki miesiacaŭ vykarystoŭvała kantrabandnyja pavietranyja šary dla parušeńnia pavietranaj prastory Litvy. U adkaz litoŭski ŭrad u kancy kastryčnika minułaha hoda zakryŭ punkty propusku ŭ Miednikach i Salečnikach. Paśla hetaha režym Łukašenki zabaraniŭ litoŭskim hruzavikam ruchacca pa terytoryi krainy, u vyniku čaho mnohija mašyny byli vymušany stajać na śpiecyjalnych placoŭkach za płatu. Situacyja nie vyrašyłasia i paśla taho, jak litoŭski ŭrad adkryŭ miažu, nie čakajučy zakančeńnia ad pačatku pryznačanaha miesiačnaha terminu.

Kamientary da artykuła