Litoŭskija pieravozčyki: Litoŭskija ciahačy pa-raniejšamu zabłakavanyja na placoŭkach u Biełarusi
Prezident asacyjacyi Linava Erłandas Mikienas zajaviŭ, što litoŭskija ciahačy da hetaha času znachodziacca na placoŭkach u Biełarusi, a dziaržava i pieravozčyki štodnia niasuć vialikija straty. Akramia taho, zaŭvažyŭ jon, niama nijakaj infarmacyi ab adnaŭleńni ruchu, piša Delfi.
Mikienas 24 śniežnia ŭ publičnaj zajavie adkazaŭ na słovy premjer-ministra Inhi Ruhinienie ab tym, što niemałaja častka zachrasłych ciahačoŭ užo kursuje pamiž Litvoj i Biełaruśsiu: «Pieravozčyki nie mohuć paćvierdzić hetuju infarmacyju. Chto jaje padaŭ premjer-ministru, moža adkazać tolki jana sama. Pieravozčyki, jakija apynulisia ŭ zakładnikach, sustrakajuć śviaty z rasčaravańniem, a zajavy premjer-ministra i ministra transpartu tolki razdražniajuć ich. Vidavočna, što straty ŭrada i pieravozčykaŭ nie ŭvachodziać u śpis pryjarytetaŭ urada».
Kiraŭnik Linava zaklikaŭ urad prymać miery dla viartańnia ciahačoŭ u Litvu.
«LINAVA prosić nie simvaličnych žestaŭ i dekłaracyj, a jasnaha, aficyjnaha i prazrystaha rašeńnia, jakoje zabiaśpiečyć realnaje viartańnie ŭsich ciahačoŭ, što naležać litoŭskim pieravozčykam, a nie iluzii, byccam prablemu vyrašajuć ci ŭžo vyrašyli», — skazaŭ Mikienas.
Premjer-ministr Inha Ruhinienie zajaviła 23 śniežnia, što niemałaja častka fur, jakija zachraśli ŭ Biełarusi, užo kursuje pamiž Litvoj i Biełaruśsiu, a viedamstvy praciahvajuć pracu pa viartańni astatnich transpartnych srodkaŭ.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary