Prarvanuju trubu z haračaj vadoj u minskim piacipaviarchoviku zamianili, kali prablema trapiła ŭ ŚMI
21 lutaha źjaviłasia infarmacyja, što ŭ padjeździe doma № 14 na vulicy Kiedyški ŭ Minsku prarvała trubu, paśla čaho pamiaškańnie zaliło haračaj vadoj. Žychary paviedamlali pra prablemy z 16 lutaha, pakinuli bolš za dziasiatak zvarotaŭ u słužbu «115», adnak prablema niekalki dzion nie vyrašałasia. A vyrašyli tolki paśla taho, jak infarmacyja trapiła ŭ ŚMI, paviedamlaje ahienctva «Minsk-Naviny».
Skrynšot ź videa
Pavodle słoŭ žycharki doma, spačatku kamunalniki abiacali likvidavać uciečku ŭ aŭtorak, paśla — u sieradu, ale ramont tak i nie praviali, i vada praciahvała licca, ź luka išła para.
Paśla źjaŭleńnia infarmacyi ŭ ŚMI niaspraŭnaść apieratyŭna likvidavali — paškodžanuju trubu zamianili. U ŽKH Pieršamajskaha rajona patłumačyli, što na momant pastupleńnia zajavak uciečka nibyta była niaznačnaj i nie ličyłasia krytyčnaj. Płanavałasia likvidavać jaje pry spryjalnych umovach nadvorja.
Razam z tym za niesvoječasovuju reakcyju adkaznuju asobu ŽEU № 3 pryciahnuli da materyjalnaj adkaznaści.
Čytajcie taksama:
U minskim piacipaviarchoviku prarvała trubu z haračaj vadoj, a kamunalniki tydzień nie varušacca
U histaryčnym domie ŭ centry Minska zalivaje kvatery: «Za sutki vynies 30 viodraŭ vady»
U Zasłaŭi tratuary pieratvarylisia ŭ koŭzanku. Kamunalniki razvodziać rukami