U Hiermanii zatrymali padazravanaha ŭ zabojstvie ŭkrainskaha palityka
U Hiermanii zatrymali padazravanaha ŭ zabojstvie byłoha namieśnika kiraŭnika Administracyi prezidenta Ukrainy časoŭ Viktara Janukoviča Andreja Partnova. Pra heta paviedamiła Nacyjanalnaja palicyja Ispanii, piša «Suśpilnie».
Andrej Partnoŭ
Zatrymańnie adbyłosia ŭ horadzie Chajnśbierh u ziamli Paŭnočny Rejn — Viestfalija. Pavodle danych ispanskaj palicyi, mienavita hety čałaviek moh stralać u Partnova ŭ dzień jaho hibieli — 21 maja 2025 hoda.
Dla praviadzieńnia pieratrusu pa miescy žycharstva padazravanaha byŭ vydadzieny jeŭrapiejski ordar na aryšt i jeŭrapiejski ordar na rasśledavańnie. Sprava prachodzić u sudzie Ispanii, a papiaredniaje śledstva zastajecca zakrytym.
Palicyja nie raskryvaje detalaŭ pra asobu zatrymanaha — jaho ŭzrost, hramadzianstva ci inšyja źviestki.
Andreja Partnova zastrelili ranicaj 21 maja 2025 hoda kala Amierykanskaj škoły niedaloka ad Madryda. Incydent adbyŭsia prykładna ŭ 9:15, kali ŭ palicyju pastupiŭ vyklik pra čałavieka z ahniastrelnymi ranieńniami na vulicy. Partnoŭ žyŭ u rajonie Ła-Maralecha kala Madryda, a jahonyja dočki vučylisia ŭ Amierykanskaj škole.
Čytajcie taksama:
U Madrydzie rasstralali byłoha daradcu Janukoviča
Zabity ŭ Ispanii paplečnik Janukoviča za niekalki dzion da śmierci pryjazdžaŭ va Ukrainu
Hvałt u Mieksicy paśla hibieli narkabarona El Mienča: Nacyjanalnaja hvardyja straciła 25 čałaviek