Zabity ŭ Ispanii paplečnik Janukoviča za niekalki dzion da śmierci pryjazdžaŭ va Ukrainu
Pavodle źviestak vydańnia «Ukrainskaj praŭdy», Andrej Partnoŭ — były daradca prarasijskaha prezidenta-ŭciekača Viktara Janukoviča i čałaviek, jaki mieŭ značny ŭpłyŭ na sudovuju sistemu, — znachodziŭsia va Ukrainie za niekalki dzion da svajoj śmierci.
Pavodle infarmacyi vydańnia, Partnoŭ prybyŭ va Ukrainu 17—18 maja i sustrakaŭsia tam z vysokapastaŭlenymi asobami, jakija adkazvajuć za pracu pravaachoŭnych orhanaŭ.
21 maja Partnova zastrelili ŭ Madrydzie, kala amierykanskaj škoły, kali jon advodziŭ tudy svaich dačok — 10 i 12 hadoŭ. Hetaja padzieja šakavała miascovych žycharoŭ.
Partnoŭ, viadomy prarasijskimi pohladami, raniej byŭ pieršym namieśnikam kiraŭnika administracyi prezidenta Janukoviča. U 2022 hodzie jon praz Zakarpaćcie pakinuŭ terytoryju Ukrainu.
Z 2021 hoda jon znachodziŭsia pad sankcyjami ZŠA pavodle «akta Mahnickaha» — jaho abvinavačvali ŭ parušeńni pravoŭ čałavieka i karupcyi, u tym liku ŭ sprobach upłyvać na sudovuju sistemu Ukrainy.
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia21
Kamientary