60% supracoŭnikaŭ biełaruskich kampanij niezadavolenyja svaim zarobkam

Pavodle vynikaŭ apytańnia servisu rabota.by, bolšaść supracoŭnikaŭ u Biełarusi niezadavolenyja svaim zarobkam. Tak adkazali 60% udzielnikaŭ daśledavańnia. Pry hetym mienš za čverć apytanych zajavili, što ciapierašni ŭzrovień dachodu ich zadavalniaje, piša Office Life.

Zdymak ilustracyjny. Fota: «Naša Niva»

Dla bolšaści rabotnikaŭ hałoŭnym kryteryjem pry vybary pracy zastajecca vysoki zarobak — tak ličać 78% respandentaŭ. Dalej iduć umovy pracy (44%) i dobry kalektyŭ (41%).

Fota: rabota.by

Na pytańnie pra toje, pa jakich prykmietach možna zrazumieć, što pracadaŭca cenić supracoŭnika, 60% adznačyli pavyšeńnie zarobku, 52% — uličvańnie parad i mierkavańniaŭ, a 50% — vypłatu premij.

Siarod pryčyn admovy ad vakansii najčaściej nazyvajecca nizki zarobak — heta adznačyli 78% udzielnikaŭ apytańnia. Taksama važnymi faktarami stali nieaficyjnaje pracaŭładkavańnie (49%) i niehatyŭnyja vodhuki pra kampaniju (46%).

Raniej paviedamlałasia, što 65% karystalnikaŭ sajta rabota.by płanujuć pamianiać pracu na praciahu najbližejšaha hoda. Za apošni hod hety pakazčyk pavialičyŭsia na 10%.

Kamientary da artykuła