U Biarozaŭskim rajonie milicyja stralała pa pjanym
U Biarozaŭskim rajonie mužčyna z nažom napaŭ na supracoŭnikaŭ milicyi, u vyniku čaho tyja ŭžyli tabielnuju zbroju, paviedamlaje UUS Bresckaha abłvykankama.
Skrynšot ź videa
Paviedamlajecca, što ŭ milicyju pastupiła ananimnaje paviedamleńnie z prośbaj pravieryć infarmacyju pa adnoj ź viosak rajona. Na miesca vyjechaŭ patrul. Kali siłaviki prybyli, 34‑hadovy miascovy žychar z prykmietami ałkaholnaha apjanieńnia, trymajučy ŭ rukach nož, pačaŭ nabližacca da ich.
Na patrabavańni spynicca i kinuć nož mužčyna, jak śćviardžajecca, nie reahavaŭ, tamu adzin z supracoŭnikaŭ zrabiŭ prycelny streł u nahu napadniku.
Paciarpiełamu akazali pieršuju miedycynskuju dapamohu i pieradali bryhadzie chutkaj dapamohi.
Pavodle faktu zdareńnia raspačali kryminalnuju spravu za hvałt abo pahrozu jaho prymianieńnia ŭ dačynieńni da supracoŭnika orhanaŭ unutranych spraŭ. Mužčynu pahražaje da siami hadoŭ pazbaŭleńnia voli.
Čytajcie taksama:
Vynieśli miakki prysud bieraściejcu, jaki pahražaŭ siłavikam nažami
Načalnik milicyi Brahina stralaŭ u svaju žonku. Jana cudam vyžyła
Što za mužčyna napaŭ na milicyjanta ŭ Bierazinie?
U Bierazinie mužčyna z nažom napaŭ na milicyjaniera i ŭciok u les