47‑hadovy žychar Bierazina Vasil Malik paśla zdareńnia ŭciok u les. Ale čamu da jaho naohuł pryjšli?
Uviečary 22 listapada ŭ Bierazinie adbyłosia napadzieńnie z nažom na supracoŭnika milicyi. Na miesca vyjechaŭ ministr Ivan Kubrakoŭ z AMAPam i «Ałmazam». Jak paviedamlała MUS, abviaščajučy rosšuk, napadnikam byŭ 47‑hadovy miascovy žychar Vasil Malik.
Na svajoj staroncy va «Ukantakcie» Malik publikuje sumburnyja dopisy suprać homasieksualistaŭ, zaklikaje sadžać ich u turmu i bačyć paŭsiul tajemnyja zmovy.
Učora, 22 listapada, Maliku prychodziŭ list z RAUS pra toje, što termin dziejańnia jaho pašparta skončyŭsia ŭ 2023 hodzie i nieabchodna zrabić novy dakumient. Mužčyna apublikavaŭ hety list va «Ukantakcie», a nižej napisaŭ: «Moj adkaz na list z musarni. Napišu jaho z advarotnaha boku i adpraŭlu im nazad».
U hetym «adkazie» mužčyna apisvaje nastupnuju historyju. Dniami Malik uviečary išoŭ ź viełasipiedam pa ŭzbočynie, kali da jaho padjechali milicyjanty i rašyli vypisać štraf. Sa słoŭ mužčyny, jamu pradjavili, što na jaho adzieńni nie było flikiera, a jon piešachod, raz vioŭ viełasipied, a nie jechaŭ. Flikiery pry hetym byli na viełasipiedzie i na zaplečniku. Mužčyna spytaŭ u milicyjantaŭ, «čamu vy nie łovicie hamasiekaŭ, jakija nazyvajuć siabie «mužykami», — milicyja ž pavinna ŭ pieršuju čarhu zmahacca z bolš ciažkim złačynstvam?».
U vyniku mužčynu vypisali papiaredžańnie, ale jon rašyŭ patrabavać, kab jaho admianili.
«Musarami narod nazyvaje supracoŭnikaŭ milicyi, jakija patrabujuć ad ludziej vykanańnia zakona, a sami ździajśniajuć złačynstvy», — pisaŭ Malik.
Mahčyma, Malik i dasłaŭ svoj adkaz u RAUS.
Što dakładna zdaryłasia paśla, nieviadoma. Siłaviki paviedamlajuć, što ŭviečary 22 listapada narad milicyi prybyŭ na vyklik, zaŭvažyŭ na vulicy mužčynu, jaki padychodziŭ pad prykmiety padazravanaha. Padčas pravierki dakumientaŭ mužčyna raptam dastaŭ nož i nanios milicyjanieru niekalki ŭdaraŭ. Paśla hetaha jon źbieh u les.
Paciarpiełaha milicyjanta dastavili ŭ Respublikanski špital MUS.
Na nastupny dzień u 14:30 Malika znajšli ŭ lesie. Pry zatrymańni, śćviardžaje milicyja, jon akazaŭ supraciŭ i pajšoŭ na milicyjaniera z nažom. U jaho stralali.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary