У Бярозаўскім раёне міліцыя страляла па п'яным
У Бярозаўскім раёне мужчына з нажом напаў на супрацоўнікаў міліцыі, у выніку чаго тыя ўжылі табельную зброю, паведамляе УУС Брэсцкага аблвыканкама.
Скрыншот з відэа
Паведамляецца, што ў міліцыю паступіла ананімнае паведамленне з просьбай праверыць інфармацыю па адной з вёсак раёна. На месца выехаў патруль. Калі сілавікі прыбылі, 34‑гадовы мясцовы жыхар з прыкметамі алкагольнага ап’янення, трымаючы ў руках нож, пачаў набліжацца да іх.
На патрабаванні спыніцца і кінуць нож мужчына, як сцвярджаецца, не рэагаваў, таму адзін з супрацоўнікаў зрабіў прыцэльны стрэл у нагу нападніку.
Пацярпеламу аказалі першую медыцынскую дапамогу і перадалі брыгадзе хуткай дапамогі.
Паводле факту здарэння распачалі крымінальную справу за гвалт або пагрозу яго прымянення ў дачыненні да супрацоўніка органаў унутраных спраў. Мужчыну пагражае да сямі гадоў пазбаўлення волі.
Чытайце таксама:
Вынеслі мяккі прысуд берасцейцу, які пагражаў сілавікам нажамі
Начальнік міліцыі Брагіна страляў у сваю жонку. Яна цудам выжыла
Што за мужчына напаў на міліцыянта ў Беразіне?
У Беразіне мужчына з нажом напаў на міліцыянера і ўцёк у лес