Adnoj z hałoŭnych celaŭ pieršaj chvali ŭdaraŭ pa Iranie byli lidary isłamskaj respubliki
Krynicy NY Times tłumačać, što raźličvali na faktar niečakanaści.
Ali Chamieniei (treci źleva) razam z prezidentam Masudam Piezieškijanam (pieršy źleva), staršynioj parłamienta Machamadam Bahieram Halibafam i kiraŭnikom sudovaj sistemy Machsienam Edžei čytajuć Karan padčas piatničnaj malitvy. Fota: Iranian Leader's Press Office — Handout / Getty Images
Adnoj z hałoŭnych celaŭ pieršaj chvali ŭdaraŭ pa Iranie byli lidary isłamskaj respubliki. Pra heta vydańniu NY Times paviedamili try krynicy ŭ izrailskich siłavych strukturach.
Krynicy tłumačać, što raźličvali na faktar niečakanaści. Pavodle zadumy, užo padčas pieršaj chvali ŭdaraŭ pavinny byli być zabityja mnohija vysokapastaŭlenyja iranskija čynoŭniki.
Vydańnie taksama apublikavała videa z uradavych kvartałaŭ Tehierana, nad jakimi ŭźnimajucca hustyja kłuby dymu. U hetym rajonie raźmieščanyja prezidencki pałac i Rada nacyjanalnaj biaśpieki Irana, a taksama inšyja važnyja ŭradavyja budynki.
Iranskija ŭłady tym časam zajavili, što duchoŭny lidar krainy ajatała Chamieniei, a taksama prezident Masud Piezieškijan znachodziacca ŭ biaśpiecy.
Čytajcie taksama:
Izrail pry padtrymcy ZŠA nanios rakietny ŭdar pa Iranie
Tramp: Kali my skončym, vaźmicie ŭładu nad svaim uradam. Jon budzie vašym
Bińjamin Nietańjahu abviaściŭ pra apieracyju «Leŭ, jaki ryčyć» suprać Irana