Padčas udaraŭ pa Tehieranie zahinuli ziać i niaviestka Ali Chamieniei
Pra hibiel niaviestki i ziacia Ali Chamieniei padčas amierykanskich i izrailskich udaraŭ pa Iranie 28 lutaha paviedamiła ahienctva Jamaran sa spasyłkaj na paviedamleńnie Instytuta Chamšachry, źviazanaha z haradskoj radaj Tehierana.
Ali Chamieniei. Fota: Office of the Iranian Supreme Leader via AP, File
Svajaki Viarchoŭnaha lidara Irana zahinuli na fonie masiravanych udaraŭ ZŠA i Izraila pa stalicy krainy.
Sam Chamieniei, pavodle roznych danych, albo evakujavany, albo źniščany. Aficyjny Tehieran admaŭlaje jaho śmierć. Kažuć, što 86‑hadovy Chamieniei, jak i padčas papiarednich udaraŭ letam 2025 hoda, znachodzicca ŭ apieratyŭnym centry i asabista kiruje viadzieńniem bajavych dziejańniaŭ.
Uvohule ž, jak śćviardžaje iranskaje tavarystva Čyrvonaha Paŭmiesiaca, u vyniku ŭdaraŭ ZŠA i Izraila ŭ Iranie nibyta ŭžo zahinuŭ 201 čałaviek. Hetyja źviestki pryvodzić iranskaje ahienctva Tasnim. Pavodle toj ža infarmacyi, jašče 747 čałaviek atrymali ranieńni. Inšyja krynicy, adnak, pakul nie paćvierdzili hetyja ličby.
Čytajcie taksama:
Rezidencyja ajatały Chamienei lažyć u ruinach, što ź im samim — nieviadoma
ZŠA i Izrail nanosiać masiravanyja rakietnyja ŭdary pa Iranie
Stała viadoma, jak Tramp kiruje vajskovaj apieracyjaj suprać Irana
Jak adreahavali ŭ śviecie na apieracyju ZŠA i Izraila suprać Irana
«My vielmi blizkija da kančatkovaj pieramohi». Reza Piechlevi zapisaŭ zvarot da irancaŭ