«My vielmi blizkija da kančatkovaj pieramohi». Reza Piechlevi zapisaŭ zvarot da irancaŭ
Syn apošniaha iranskaha šacha na fonie ŭdaraŭ ZŠA i Izraila pa Iranie zapisaŭ zvarot da naroda krainy.
«Dapamoha, abiacanaja prezidentam ZŠA advažnamu narodu Irana, narešcie prybyła. Heta humanitarnaja interviencyja, i jaje meta — Isłamskaja Respublika, jaje represiŭny aparat i mašyna zabojstvaŭ, a nie kraina i vialikaja nacyja Irana.
Adnak, niahledziačy na prybyćcio hetaj dapamohi, kančatkovaja pieramoha ŭsio roŭna budzie zdabytaja nami.
Mienavita my, narod Irana, zavieršym hetuju zadaču ŭ hetaj apošniaj bitvie. Čas viarnucca na vulicy nabližajecca», — havorycca ŭ zvarocie.
Piechlevi miarkuje, što isłamskaja respublika razburajecca, tamu jon źviarnuŭsia i da iranskich siłavikoŭ.
Jon nahadaŭ im, što jany prysiahali abaraniać Iran i iranski narod, a nie isłamskuju respubliku i jaje lidaraŭ: «Dałučajciesia da nacyi i dapamažycie zabiaśpiečyć stabilny i biaśpiečny pierachodny pieryjad. U advarotnym vypadku vy patoniecie razam z karablom Chamieniei i jaho režymam, jaki razburajecca», — skazaŭ jon.
Syn šacha, zrynutaha ŭ vyniku isłamskaj revalucyi, taksama zaklikaŭ prezidenta ZŠA Donalda Trampa «prajavić maksimalnuju aściarožnaść, kab zachavać žyćci mirnych žycharoŭ i maich suajčyńnikaŭ», bo narod Irana — naturalnyja sajuźniki ZŠA i sajuźniki svabodnaha śvietu.
Izrail pry padtrymcy ZŠA nanios rakietny ŭdar pa Iranie
Izrail i ZŠA rychtujucca da šmatdzionnaha kanfliktu ź Iranam
Tramp: Kali my skončym, vaźmicie ŭładu nad svaim uradam. Jon budzie vašym
Bińjamin Nietańjahu abviaściŭ pra apieracyju «Leŭ, jaki ryčyć» suprać Irana
Adnoj z hałoŭnych celaŭ pieršaj chvali ŭdaraŭ pa Iranie byli lidary isłamskaj respubliki
Źmiena iranskaha režymu — nie meta apieracyi, — Izrail
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy41
Kamientary