Pierakłali na biełaruskuju movu Kodeks hramadzianskaha sudavodstva
Kodeks hramadzianskaha sudavodstva Respubliki Biełaruś pierakłali na biełaruskuju movu. Tekst pierakładu ŭžo dastupny na Nacyjanalnym pravavym internet-partale.
Hety kodeks źjaŭlajecca adzinym kadyfikavanym pracesualnym dakumientam, jaki rehuluje paradak razhladu hramadzianskich i ekanamičnych spraŭ u sudach ahulnaj jurysdykcyi. Jon zamianiŭ raniejšyja Hramadzianski pracesualny i Haspadarčy pracesualny kodeksy.
Pierakład byŭ uchvaleny ekśpiertnaj radaj, u skład jakoj ŭvachodziać pradstaŭniki dziaržaŭnych orhanaŭ i arhanizacyj u śfierach jurysprudencyi, narmatvorčaj i navukovaj dziejnaści, a taksama movaznaŭstva.
Z pačatku pracy ekśpiertnaj rady na biełaruskuju movu ŭžo pierakładziena 20 zakanadaŭčych aktaŭ. Siarod ich — Kodeks ab šlubie i siamji, Vybarčy kodeks, Hramadzianski, Žyllovy, Pracoŭny, Vodny, Lasny kodeksy, Kodeks ab ziamli, ab nietrach, Kodeks handlovaha marapłaŭstva, Kodeks ab sudovaj sistemie i statusie sudździaŭ, Hramadzianski pracesualny kodeks, Kodeks ab administracyjnych pravaparušeńniach, Pracesualna-vykanaŭčy kodeks ab administracyjnych pravaparušeńniach, Kryminalny i Kryminalna-vykanaŭčy kodeksy.
Čytajcie taksama:
MNS napiaredadni Dnia rodnaj movy zrabiła biełaruskamoŭnym ceły tydzień
Kitajec vyvučaŭ biełaruskuju movu, pajechaŭ u Minsk, ale akazałasia, što tam na joj nie razmaŭlajuć