Biełaruś zakupiła amal pałovu rasijskaha ekspartnaha čaju
U 2025 hodzie Biełaruś stała hałoŭnym pakupnikom rasijskaha čaju. Z amal 100 miljonaŭ dalaraŭ, jakija letaś atrymali rasijskija eksparciory ad prodažu čaju za miažu, 44 miljony prypali mienavita na pastaŭki ŭ Biełaruś.
Fota ilustracyjnaje
Pavodle danych rasijskaha partała «Ahraekspart», u paraŭnańni z 2024 hodam abjom ekspartu čaju z Rasii ŭ Biełaruś u hrašovym vyražeńni vyras na 11%. Takim čynam, kraina ŭpeŭniena zaniała pieršaje miesca siarod imparcioraŭ rasijskaha čaju.
Na druhim miescy znachodzicca Kazachstan z pastaŭkami bolš jak na 17 miljonaŭ dalaraŭ, treciaje miesca zaniaŭ Azierbajdžan z abjomam kala 7 miljonaŭ dalaraŭ.
Što tyčycca struktury hetych pastavak, to ŭ ich pieravažaje čorny čaj — jon składaje 78% ad ahulnaha ekspartu. Zialony čaj zajmaje 16%. Jašče 3% prypadaje na zialony čaj z aramatyčnymi i smakavymi dabaŭkami, a 2% — na taki ž čorny čaj.
Čytajcie taksama:
Boršč ź miodam i kava z parfumaj. U Biełarusi adkryli staravierskuju kaviarniu
Biełaruś stała hałoŭnym pastaŭščykom ryby ŭ Rasiju
Biełaruś apynułasia na trecim miescy pa zakupkach ilnianoha aleju z Rasii