Sieviarynca abrali staršynioj arhkamiteta pa śviatkavańni Dnia Voli
2 sakavika adbyłosia pasiadžeńnie arhkamiteta pa padrychtoŭcy da śviatkavańnia Dnia Voli 25 sakavika. U im udzielničali pradstaŭniki Abjadnanaha pierachodnaha kabinieta, Ofisa Śviatłany Cichanoŭskaj, palityčnych partyj, a taksama arhanizatary akcyj u Vilni i Varšavie. Pa vynikach hałasavańnia staršynioj kamiteta abrali Paŭła Sieviarynca, paviedamlaje Ofis Śviatłany Cichanoŭskaj.
Pavieł Sieviaryniec z synam Franciškam. Fota pres-słužby Ofisa Śviatłany Cichanoŭskaj
Asnoŭnaja meta arhkamiteta — vyznačyć hałoŭnyja pryjarytety i pasłańni sioletniaha śviatkavańnia, a taksama naładzić kaardynacyju pamiž arhanizatarami mierapryjemstvaŭ u roznych krainach i haradach. Kamitet budzie sadziejničać lepšamu ŭzajemadziejańniu inicyjatyŭ i padtrymlivać dyjaspary ŭ padrychtoŭcy akcyj.
Nastupnaje pasiadžeńnie zapłanavana ŭžo na hetym tydni i budzie mieć pašyrany farmat. Da ŭdziełu zaprašajucca pradstaŭniki dyjaspary i arhanizatary akcyj pa ŭsim śviecie.
Apošnija hady mierapryjemstvy da Dnia Voli prachodziać u roznych krainach i arhanizujucca biełaruskimi supolnaściami ŭ asobnych haradach samastojna.
Čytajcie taksama:
Sieviaryniec: U administracyi SIZA pierakošvała tvary ad adnoj zhadki proźvišča Cichanoŭskaha
Sieviaryniec: Łatuška — najlepšaja alternatyva na pasadu premjer-ministra volnaj Biełarusi