Dva biełaruskija tenisisty nie mohuć vylecieć z AAE. Evakuacyju prapanujuć za 5 tysiač jeŭra
U Abjadnanych Arabskich Emiratach admienienyja dva turniry z pryzavym fondam 63 000 dalaraŭ, siarod udzielnikaŭ jakich byli biełarusy Daniił Astapienkaŭ i Illa Ivaška. Spabornictvy pavinny byli prajści ŭ Fudžejry.
Fota: IFP.com
Abodva biełarusy nie zmahli zhulać svaje matčy ŭ aŭtorak, 3 sakavika, bo nad kortami razdalisia huki vybuchaŭ. U vyniku arhanizatary pryniali rašeńnie całkam admienić abodva turniry.
Na hetuju navinu na svajoj staroncy ŭ Instagram adreahavaŭ były pieršy rakietka Biełarusi Illa Ivaška. Jon pryvioŭ źmiest lista, razasłanaha ATP udzielnikam spabornictvaŭ u AAE. Pavodle jaho, ATP prapanuje tenisistam evakuacyju ŭ Miłan na čartary sa spynieńniem u Jehipcie. Pry hetym za miesca ŭ samalocie spatrebicca zapłacić 5000 jeŭra.
«Niama słoŭ», — kaža Illa.