Apublikavali dakumienty pa spravie Epštejna z abvinavačvańniami suprać Trampa
Što ŭ ich?
Tramp i Epštejn, 1992 hod. Krynica: Sky News
Ministerstva justycyi ZŠA apublikavała dakumienty FBR, źviazanyja z abvinavačvańniami ŭ seksualnym hvałcie suprać Donalda Trampa, jakija adsutničali ŭ pieršapačatkovym relizie «fajłaŭ Epštejna», paviedamlaje Sky News.
Ministerstva justycyi zajaviła, što niekatoryja źnikłyja fajły byli pa pamyłcy paznačanyja ŭ elektronnaj tablicy jak «dublikaty», što zrabiła ich niabačnymi dla hramadskaści.
Dakumienty ŭklučajuć reziumie i natatki z troch asobnych intervju, jakija FBR praviało z žančynaj, jakaja śćviardžała, što padvierhłasia seksualnamu hvałtu z boku Džefry Epštejna i Donalda Trampa.
Žančyna sa štata Paŭdniovaja Karalina źviarnułasia ŭ pravaachoŭnyja orhany paśla aryštu Epštejna ŭ 2019 hodzie. Jana śćviardžała, što miljarder-finansist ździejśniŭ napad na jaje na vostravie Chiłtan-Chied, u jaje rodnym štacie, kali joj było 13 hadoŭ.
Zhodna z reziumie intervju FBR, mierkavany incydent adbyŭsia prykładna ŭ 1984 hodzie. Žančyna — čyjo imia paŭsiul zasakrečana — zajaŭlaje ab hvałcie z boku Epštejna i niekalkich jaho paplečnikaŭ, siarod jakich, jak jana śćviardžaje, byŭ i Tramp.
Ministerstva justycyi paŭtaryła svajo papiaredniaje papiaredžańnie ab tym, što fajły Epštejna ŭtrymlivajuć iłžyvyja i niepravieranyja zajavy.
Viedamstvu było zahadana vypuścić fajły zhodna z «Aktam ab prazrystaści fajłaŭ Epštejna».
Na hety momant u ZŠA nichto nie znachodzicca pad śledstvam u suviazi z fajłami Epštejna.
Tramp paśladoŭna admaŭlaje lubyja abvinavačańni pa hetaj spravie.
Čytajcie taksama:
«Ničoha nie bačyŭ i ničoha drennaha nie rabiŭ». Bił Klintan raskazaŭ pra svaje suviazi z Epštejnam