«Ničoha nie bačyŭ i ničoha drennaha nie rabiŭ». Bił Klintan raskazaŭ pra svaje suviazi z Epštejnam
Były prezident ZŠA Bił Klintan daŭ pakazańni pierad Kamitetam pa nahladzie Pałaty pradstaŭnikoŭ Kanhresa ZŠA ŭ suviazi sa spravaj finansista Džefry Epštejna, jakoha raniej asudzili za seksualnyja złačynstvy. Pasiadžeńnie prachodziła za začynienymi dźviaryma, jak i napiaredadni ŭ vypadku ź jahonaj žonkaj Chiłary Klintan.
U apublikavanaj zajavie Klintan adznačyŭ, što jaho znajomstva z Epštejnam było karotkim i zaviaršyłasia zadoŭha da taho, jak stali viadomyja złačynstvy finansista. Jon padkreśliŭ, što nie mieŭ nijakaha ŭjaŭleńnia pra supraćpraŭnuju dziejnaść Epštejna i padčas znosin ź im nie bačyŭ ničoha padazronaha. Pavodle jaho słoŭ, jon «ničoha nie bačyŭ i ničoha drennaha nie rabiŭ».
Klintan taksama zajaviŭ, što jaho žonka ŭvohule nie maje dačynieńnia da hetaj historyi i navat nie pamiataje, ci sustrakałasia jana kali-niebudź z Epštejnam.
Heta pieršy vypadak z 1983 hoda, kali były prezident ZŠA daje pakazańni pierad kamitetam Kanhresa. Staršynia kamiteta, respublikaniec Džejms Komier, adznačyŭ, što Klintany doŭha admaŭlalisia ŭdzielničać u słuchańniach, ale ŭrešcie pahadzilisia. U toj ža čas demakrat Suchas Subramańjam zajaviŭ, što kamitet, na jaho dumku, zasiarodziŭsia nie na tym prezidencie.
Chiłary Klintan dała pakazańni dniom raniej. U svajoj zajavie jana raskrytykavała kamitet za zakryty farmat pracy i nazvała praces palityčna matyvavanym, a taksama zaklikała vyklikać dla dačy pakazańniaŭ Donalda Trampa.
Raniej Bił Klintan tłumačyŭ, što paznajomiŭsia z Epštejnam praz dabračynnuju dziejnaść užo paśla sychodu ź Biełaha doma. Apublikavanyja Ministerstvam justycyi ZŠA dakumienty śviedčać, što ich znajomstva adbyłosia ŭ pačatku 2000‑ch hadoŭ, a ŭ 2002—2003 hadach Klintan niekalki razoŭ karystaŭsia samalotam finansista. Adnak da 2006 hoda, kali Epštejna ŭpieršyniu abvinavacili ŭ złačynstvach, ich kantakty ŭžo spynilisia.
Ni Bił, ni Chiłary Klintan nie źjaŭlajucca abvinavačanymi ŭ hetaj spravie. Były prezident śćviardžaje, što nie viedaŭ pra złačynstvy Epštejna, a jaho žonka kaža, što nikoli asabista ź im nie sustrakałasia.
Bił i Chiłary Klintan pahadzilisia dać pakazańni Kanhresu ab suviaziach z Epštejnam. Admova pahražała im kryminalnaj spravaj
Prezident Suśvietnaha ekanamičnaha forumu padaŭ u adstaŭku na fonie rasśledavańnia jaho suviaziaŭ z Epštejnam
Karyna Šulak nie atrymaje ni centa sa spadčyny Epštejna
Bił Hiejts pryznaŭsia ŭ šlubnych zdradach z rasijankami i ŭ tym, što Epštejn jaho hetym šantažavaŭ
Były narviežski premjer Jahłand zrabiŭ sprobu samahubstva na fonie abvinavačańnia ŭ suviaziach z Epštejnam
«Zakon pavinien iści svajoj darohaj». Karł III prakamientavaŭ aryšt svajho brata
Kamientary